सोलुखुम्बुबाट एसइईमा सहभागी हुने कुन केन्द्रमा कति विद्यार्थी छन ? हेर्नुहोस् समाचारमा …..

फागुन २१, सोलुखुम्बु ।  आसन्न माध्यमिक शिक्षा परीक्षाको तयारी सोलुखुम्बुमा धमाधम भइरहेको छ ।  आगामी चैत्र ७ गतेबाट हुने परीक्षाका लागी जिल्ला स्थित परीक्षा सम्बद्ध मातहत निकायहरूले परीक्षा केन्द्रित तयारीहरू धमाधम भइरहेको जनाएको हो ।  सोलुखुम्बुमा आगामी एसइईमा सहभागी हुन समान्य र प्राविधिक धारतर्फ  १ हजार ६ सय ६० परीक्षार्थीहरू तयारी अवस्थामा रहेका छन्  । भने प्राविधिक धार तर्फ ९७ जना विद्यार्थीहरू एसइई परीक्षामा सहभागी हुने शिक्षा विकास तथा समन्वय इकाई सोलुखुम्बुले जनाएको छ ।  

जसमध्ये ८६ जना ग्रेडबद्धि र १ हजार ५ सय ७४ जना नियमित तर्फका परीक्षार्थीहरू रहेको शिक्षा विकास तथा समन्वय इकाई सोलुखुम्बुले जनाएको छ ।  परीक्षा नियन्त्रण कार्यालय कक्षा १० ले यसअघि परीक्षा केन्द्र परीक्षार्थी सङ्ख्या हेरेर केन्द्र गाभ्ने निर्णय गरेकोमा उक्त निर्णय फिर्ता लिँदै साविककै परीक्षा केन्द्रमा परीक्षा सञ्चालन गराईने निर्णय भएको पनि कार्यालयले जनाएको छ ।  जस अनुसार साबिकका १४ वटा परीक्षा केन्द्रहरूबाट परीक्षा सञ्चालन हुने इकाई प्रमुख ढंगोलले बताउनुभएको छ ।  परीक्षा सञ्चालनका लागी अव मोटामोटी २० दिन बाँकी रहदैँ गर्दा उत्तरपुस्तिका भने जिल्ला आइसकेको उहाँको भनाई छ ।  प्रश्नपत्र पनि छिट्टै आइपुग्ने र अन्तीम तयारीमा जुट्ने कार्यालयले जनाएको छ ।  

जम्मा परीक्षार्थीहरू मध्ये यस वर्ष सबैभन्दा धरै परीक्षार्थी सोताङ क्याम्पस केन्द्रमा रहेका छन् । सोताङ क्याम्पस केन्द्रबाट यस वर्ष २ सय १४ जना विद्यार्थीले एसइई परीक्षा दिन लागेका छन् । यस्तै शिसाखोला आवि  केन्द्र टाप्टीङबाट १ सय ३० जना हिमाल दर्शन मावि केन्द्र नेचासल्यानबाट १ सय २७ जना, संस्कृत विद्यापीठ सल्यानबाट १ सय ७ जना, लुक्ला आवि चौरीखर्क केन्द्रबाट ६२ जना, दुधकोशी आवि बुम्बुरी चौरीखर्कबाट ६० जना, पद्मकन्या आवि दाम्कु बासाबाट १ सय ६६ जना, पेल्माङ आवि १ सय ७९ जना, कालीका आवि जुवुबाट १ सय ५ जना, त्रिभुवन विद्योदय आवि मुक्ली केन्द्रबाट ५३ जना परीक्षार्थीहरूले परीक्षा दिने छन् । यस्तै ठकुमाला आवि काँगेल केन्द्रबाट १ सय जना, जनजागृति आवि सल्लेरी केन्द्रबाट १ सय ६१ जना, जनजाग्रीति मावि सल्लेरीबाट १ सय ६ जना र जनसेवा आवि चौलाखर्कबाट ९० जनाले एसइई परीक्षा दिने छन् ।