१० वर्ष पालमुनि जीवन बिताएका चन्द्र बहादुरले पाए घर 

फागुन २४, सोलुखुम्बु ।  सोलुखुम्बुको माप्य दुधकोशी गाउँपालिकाका एक विपन्न परिवारलाई घर निर्माण गरेर दिइएको छ ।  गाउँपालिकाको वडा नम्बर ६ निवासी चन्द्र बहादुर राईको परिवारलाई ३ लाख बराबरको आवास निर्माण सम्पन्न गरि हस्तान्तरण गरिएको हो ।  गत २०७२ सालको भुकम्पले घर भत्काइदिएपछि आवास विहीन बनेका चन्द्र बहादुरको परिवार करिव १० वर्ष यता पालमुनि बस्दै आएको थियो । पछिल्लो समय रीड नेपालको आँखा उक्त आवास विहिन परिवारको दुःखमा परेपछि रीड नेपाल र गाउँपालिकाको समन १ लाख ५० हजार सहयोगमा घर निर्माण गरि हस्तान्तरण गरिएको रीड नेपालका कार्यक्रम संयोजक केशव गिरीले बताउनुभयो ।  रीड नेपालले चन्द्र बहादुरकी एक छोरीलाई छात्रवृत्ति समेत दिँदै अध्ययनमा सहयोग गर्दै आइरहेको छ । घर हस्तान्तरणका लागी गाउँपालिका अध्यक्ष बुद्विकिरण राइ, उपाध्यक्ष गाैरव राइ, रीड नेपालका अधिकृतहरू सहित स्थानीय प्रहरी प्रशासन तहाँ पुगेकाे थियाे ।