११५ औं अन्तराष्ट्रिय नारी दिवस तिङलामा भब्य रुपमा सम्पन्न

फागुन २५, सोलुखुम्बु । सोलुखुम्बुको सोलुदुधकुण्ड नगरपालिकाद्धारा ११५ औं अन्तराष्ट्रिय नारी दिवस भव्यताका साथ सम्पन्न गरिएको छ । शनिबार “सबै महिला तथा बालबालिकाको लागिः अधिकार समानता र सशक्तिकरण” भन्ने मुल नाराका साथ वडा नम्बर ११ तिङलामा भव्यताका साथ सम्पन्न गरिएको हो ।

कार्यक्रम नगरपालिकाको आर्थिक सहयोगमा तथा वडा कार्यालयको संयुक्त आयोजनामा विभिन्न रचनात्मक कार्यक्रम गरिएको थियो । दिवसको अवसरमा ‘समाज निर्माणमा महिलाको भूमिका’ विषयक वतृत्वकला प्रतियोगिता, म्युजिकल चेयर लगायतका कार्यक्रमहरू समावेश गरिएको वडा अध्यक्ष टंक बहादुर कार्कीले जानकारी दिनुभयो ।

समाज निर्माणमा महिलाको भूमिका विषयक वतृत्वकला प्रतियोगितामा सुन्दरी दाहाल प्रथम, भगवती बस्नेत द्धितिय र अनिता खड्का तृतीय हुनुभएको छ । विजेताहरूलाई नगद पुरस्कार प्रदान गरिएको आयोजकले जनाएको छ ।

सिंहकालि माध्यमिक विद्यालय तिंलाको प्राङ्गणमा भएको कार्यक्रममा जिल्ला समन्वय समिति सोलुखुम्बुका प्रमुख कृष्ण प्रसाद निरौला, सोलुदुधकुण्ड नगरपालिका उप प्रमुख गान्धी माया तामाङ, नगर प्रवक्ता फूर्वा ग्याल्जेन शेर्पा लगायतको उपस्थिती रहेको थियो ।