६८ वर्षीय गोटालमनिले पाइन् नागरिकता

फागुन २५, सोलुखुम्बु ।  सोलुखुम्बुका एक बृद्धाले ६८ वर्षमा नागरिकता प्राप्त गरेकी छन् । जिल्लाको महाकुलुङ गाउँपालिकाकी बृद्धा गोटालमनि राईले ६८ वर्षको बृद्ध उमेरमा आफ्नै नागरिकता प्राप्त गरेकी हुन ।   गाउँपालिकाको वडा नम्बर ५ की गोटालमनि राईले ६८ वर्ष ५ महिना  ६ दिनको दिन जिल्ला प्रशासन कार्यालय सोलुखुम्बुबाट नागरिकता प्राप्त गरेकी हुन  ।

एकल महिला गोटाल मनिको आमा र बाबुको समेत नागरिकता नभएपछि उनको नागरिकता बन्न नसकेको अवस्था थियो ।  उनको पहिचान खुल्ने सरकारी कागजात केही नभएपछि नागरिकता बन्न नसकेको वडा अध्यक्ष महलसिंह राईले बताउनुभयो  । नागरिकता प्रदान गर्दै प्रमुख जिल्ला अधिकारी अनोज कुमार घिमिरेले जनताले नागरिकता पाउनुपर्ने अधिकार प्रदान गरिएको उल्लेख गर्नुभयो ।

 उहाँले सरकारी कर्मचारीले सेवाभाव राखेर जनताको सेवा गर्नुपर्ने भन्दै कमजोरी पहिल्याउने भन्दा पहिला कसरी काम गरिदिन सकिन्छ भन्ने तर्फ सोच्नुपर्ने उल्लेख गर्नुभयो ।  नागरिकता प्राप्त गरेपछि गाेटालमणीले सरकारी सेवा सुविधामा समेत पहुँच राख्नेछीन ।