सोलुदुधकुण्डले दियो मिलिजुली समूहका लागि बचत, ऋण व्यवस्थापन तथा नेतृत्व विकास तालिम

फागुन २६, सोलुखुम्बु । सोलुखुम्बुको सोलुदुधकुण्ड नगरपालिकाले मिलिजुली समूहका लागि बचत, ऋण व्यवस्थापन तथा नेतृत्व विकास तालिम दिइएको छ । कोशी प्रदेश सामाजिक विकास मन्त्रालय विराटनगर र करुणा फाउण्डेशन नेपालको सहकार्य तथा नगरपालिको आयोजनामा अपांगता तथा पुन : स्थापना कार्यक्रम अन्तर्गत आईतबार र सोमबार दुई दिने तालिम दिईएको हो ।

तालिममा कसरी बैठक बस्ने, माइनोट कसरी लेख्ने र प्रस्ताव बनाउने लगायतका ज्ञानहरु प्रदान गरिएको छ । मिलिजुली समूहको लागि जीविकोपार्जन सम्बन्धी गतिविधि सञ्चालन गर्न तथा अपांगता भएका व्यक्तिहरुको अधिकार सम्बन्धमा बहस र पौरखी गर्न समक्ष बनाउने उदेश्यले तालिमको आयोजना गरिएको सोलुदुधकुण्ड नगरपालिकाकी महिला विकास निरीक्षक रिता ढुंगानाले बताउनुभयो ।

उक्त तालिममा नगर भित्रका मिलिजुली समूहका २५ जनाको सहभागीता रहेको थियो । कार्यक्रममा करुणा नेपाल फाउण्डेशनका पालिका संयोजक सुप्रिया श्रेष्ठ, सोलुदुधकुण्ड नगरपालिकाका सहजकर्ताहरुको उपस्थित रहेको नगरपालिकाले जनाएको छ ।