ऐसेलुखर्क गाउँपालिकाद्धारा अशक्त परिवारलाई घर ‘उपहार’

फागुन २७, सोलुखुम्बु । खोटाङको ऐसेलुखर्क गाउँपालिकाले वडा नम्बर ४ जलेश्वरीका अशक्त परिवारलाई घर निर्माण गरिदिएको छ । स्थानीय प्रेमबहादुर तामाङ र मसिनीलाई गाउँपालिकाले जस्तापातको घर निर्माण गरिदिएको हो ।

तामाङद्धयका दुई छोरा भक्त तामाङ र खड्का बहादुर तामाङ दुवै शारीरिक तथा मानसिक रुपमा पुर्ण रुपमा अशक्त रहेको वडा अध्यक्ष भक्त बहादुर तामाङले जानकारी दिनुभयो ।

४० बर्षिय भक्त तामाङ र ३५ बर्षिय खड्का बहादुर तामाङलाई गाउँपालिका अध्यक्ष गिरेन्द्र बहादुर राई, उपाध्यक्ष राजेश कुमार राजभण्डारी, सिडिओ लगायको टिमले घरमै पुगेर नागरिकता समेत प्रदान गर्नुभएको छ ।

उनिहरुको आर्थिक अवस्था समेत कम्जोर रहेको पालिका अध्यक्ष राईले बताउनुभयो । घरको छानो भएको घरमा बस्दै आएको तामाङ परिवार हाल निलो जस्ताको घरमा बस्दै आएका छन् ।