खोटाङका दुई स्थानीय तहले नि : शुल्क शल्यचिकित्सा आँखा शिविर संचालन गर्दै

फागुन २७, सोलुखुम्बु । खोटाङको केपिलासगढी गाउँपालिका र दिक्तेल रुपाकोट मझुवागढी नगरपालिकाले नि : शुल्क शल्यचिकित्सा आँखा शिविर संचालन गर्ने भएको छ । नेपाल नेत्र ज्योति संघ, शाखा खोटाङ, सगरमाथा चौधरी आँखा अस्पताल लहान र सम्बन्धित स्थानियहरुको समन्वयमा तीन दिने नि : शुल्क शल्यचिकित्सा आँखा शिविर संचालन गर्ने भएको हो ।

शिविरबाट आँखाको विभिन्न रोगहरुको उपचार गर्नुका साथै शिविरमा पाइएका मोतियाबिन्दुका बिरामीहरुलाई रोइत फाउण्डेशनको सहयोगमा नि : शुल्क अप्रेशन गरिने भएको छ ।

शिविर केपिलासगढी गाउँपालिकामा चैत्र ४,५ र ६ गते स्वास्थ्य चौकी बाक्सिला बजारमा संचालन गरिने भएको छ, भने दिक्तेल रुपाकोट मझुवागढी गाउँपालिमा चैत्र ९,१० र ११ गते आँखा उपचार केन्द्र, जिल्ला अस्पतालमा बिहान ८ बजे देखि दिउँसो २ बजे सम्म जारी रहने भएको छ । चेकजाँचका लागि दर्ता शुल्क ३० रुपैयाँ लाग्ने भएको छ ।