कोशी प्रदेश : विपक्षी दलको बैठक सुरु

फागुन २७, सोलुखुम्बु । कोशी प्रदेशसभाको बैठकमा प्रधानमन्त्रीले सम्बोधन गर्ने बैठकमा सहभागी हुने कि नहुने भन्ने विषयमा छलफल गर्न विपक्षी दलको बैठक शुरु भएको छ।

प्रदेशसभा सचिवालय बैठकमा माओवादी दलका नेता इन्द्रबहादुर आङ्बो, नेकपा एकीकृत समाजवादी दलका नेता राजेन्द्रकुमार राई, राप्रपाकी प्रमुख सचेतक सविना बजगाईं र माओवादी सांसद बाबुराम गौतम सहभागी भएका छन्। प्रधानमन्त्रीको सम्बोधनबारे कुनै जानकारी नदिएको भन्दै विपक्षीले बैठक बहिष्कार गर्ने चेतावनी दिएका थिए।

विपक्षी दलले संसद बहिष्कार गर्ने भएपछि मुख्यमन्त्री हिक्मतकुमार कार्कीले आज प्रमुख प्रमुख प्रतिपक्षी दलका नेता आङबोसँग भेट गरेका थिए ।