सोलुखुम्बुमा भव्यताका साथ मनाइयो २५६८ औं बुद्ध जयन्ती

जेठ १०, सोलुखुम्बु । सोलुखुम्बुमा आज २५६८औं बुद्ध जयन्ती भव्यताका साथ मनाईएको छ । शान्तिका अग्रदूतका रुपमा विश्वमा परिचित सिद्धार्थ गौतमको २५६८औँ जयन्तीका दिन आज सल्लेरी बजार क्षेत्र भित्र ¥याली सहित बुद्ध जयन्ती भव्यताका साथ मनाईएको हो ।

सिद्धार्थ गौतमले विश्व शान्ति स्थापनाका लागि पु¥याएको योगदानको स्मरण स्वरुप यो पर्व मनाउने गरिएको छ । शेर्पा संघ सोलुखुम्बु नेपाल, तामाङ घेदुङ सोेलुखुम्बु, नेपाल मगर संघ सोलुखुम्बु, नेवार समाज दोर्पू सोलुखुम्बु, बुद्ध जयन्ती समारोह समिति र थेक्छेन पेमा छोलिङ गुम्बा सोलुखुम्बुको आयोजनामा थेग्छेन पेमा छोलिङ गुम्बाको प्राङ्गणमा विभिन्न समुदायका व्यक्तिहरुले आआफ्नो संस्कृति झल्कने कलाहरु प्रदर्शन गरेका छन् । थेग्छेन पेमा छोलिङ गुम्बा व्यवस्थापन समितिका अध्यक्ष मिङमा शेर्पाले बुद्ध जयन्तीका दिन रेडियो एभरेष्टसँग बिशेष कुराकानी गर्दै बुद्ध कुनै व्यक्ति वा जातिको नभई बुद्ध नै रहेको बताउनुभएको छ ।

नेपालको पूर्वी हिमाली क्षेत्र सोलुखुम्बुमा रहेको थेक्छेन पेमा छोलिङ गुम्बा विश्वको सर्बोच्च शिखर सगरमाथाको काखमा रहेको एक महायान बौद्ध परम्परामा आधारित बौद्ध गुम्बा(मन्दिर) तथा बौद्ध अध्ययन केन्द्र रहेको बताउनुभएको छ । यस गुम्बालाई आकर्षक र व्यवस्थित बनाउनका लागि आफु अहोरात्र खटिरहेको बताउनुभएको छ ।थेग्छेन पेमा छोलिङ गुम्बा व्यवस्थापन समितिका सचिव ङिमा तेन्डुप शेर्पाले आज बुद्ध जयन्ती भव्य हुनुमा सबै समुदायका नागरिकहरुले महत्वपुर्ण योगदान पु¥याएको बताउनुभएको ।

प्रवचक सहायक धर्मचार्य रोजश खड्का करुणा बज्रले भन्ने भयो बुद्धधर्म त्यस्तो विधिहरूको संग्रह हो जसले हामीलाई यथार्थको सही स्वरूप जानेर आफ्नो मानवीय क्षमताको पूर्ण विकास गर्न सहयोग गर्छ । यस्तै मिङमा यान्जि शेर्पाले कला धर्म र संस्कृतिको जगेर्नाका गर्न युवा पुस्ता आजगरुप हुनुपर्ने बताउनुभएको । बुद्ध जयन्ती मात्र नभई हरेक पर्वहरुको संरक्षण गर्दै जादा भविष्यमा पछिल्ला पुस्ताहरुलाई सहजै पुस्तान्तरण गर्न सकिने बताउनु भएको छ । थेग्छेन पेमा छोलिङ गुम्बाको आयोजनामा हिजो जिल्ला समन्वय समितिको सभाहलमा धर्म र अभ्यासको दैनिक जीवनसंग सम्बन्ध र महत्व विषयक गोष्ठी तथा नागरिकसँग अन्तरक्रिया कार्यक्रम आयोजना गरेको थियो ।