केपिलासगढीका २५ किसानलाई मौरीको घार वितरण 

फागुन २८, सोलुखुम्बु ।  खोटाङको केपिलासगढी गाउँपालिकाका माैरीपालक किसानलाई मौरीका आधुनिक घार वितरण गरिएको छ ।  गाउँपालिकाको समन्वय तथा डिभिजन वन कार्यालय खोटाङको सहयोगमा गाउँपालिकाका २५ जना कृषकलाई मौरीपालनका लागी आधुनिक घार वितरण गरिएको हो ।

 डिसिआरएलको आर्थिक सहयोग तथा गाउँपालिकाको समन्वयमा गाउँपालिकाका २५ कृषकलाई १ मौरीको घार वितरण गरिएकाे गाउँपालिका अध्यक्ष समिर राईले बताउनुभयो । केपिलासगढी गाउँपालिका मौरीपालनका लागी प्रचुर सम्भावना बोको ठाउँ भएकाले यहाँका किसानलाई आत्मनिर्भर बनाउनका लागी माैरीको घार वितरणले थप नतिजा दिने गाउँपालिका अध्यक्ष समिर राईले बताउनुभयो ।

गाउँपालिकाले तोरी खेती प्रोत्साहन कार्यक्रम गरिरहेको बेला तोरिखेतीमा मौरीपालन परिपूरक भएकाले मौरीघार वितरण गरि मौरीपालनलाई प्रवर्द्धन गर्ने प्रयास गरिएको गाउँपालिका अध्यक्ष राईले बताउनुभयो ।  जलाधारमा आधारित जलवायु उत्थानशील जिविकोपार्जन आयोजना डिसिआरएलको करिव ५ लाख ५० हजार रुपैयाँ बजेटमा किसानलाई मौरीका घार वितरण गरिएको डिभिजन वन कार्यालय खोटाङका प्रमुख उदिम बहादुर राईले बताउनुभयो  ।