चैत्र ५, सोलुखुम्बु । सोलुखुम्बुको माथिल्लो पर्यटकीय क्षेत्र लुक्लाका व्यवसायीलाई पहिलो पटक कर शिक्षा सम्बन्धी कार्यक्रम सञ्चालन गरिएको छ । आन्तरिक राजस्व कार्यालय लाहानर करदाता सेवा कार्यालय लुक्लाको सहकार्यमा पर्यटन व्यवसायीक क्षेत्र लुक्लामा करशिक्षा तथा १ दिने अन्तरकृया कार्यक्रम सञ्चालन गरिएको हो ।
आन्तरिक राजस्व कार्यालय लाहानका प्रमुख कर अधिकृत भीम प्रसाद काफ्लेको प्रमुख आतिथ्यतामा सम्पन्न उक्त कर शिक्षा तथा अन्तरकृया कार्यक्रममा करको महत्व र कर प्रणालीको विषयमा लुक्लाका व्यवसायीलाई जानकारी गराइएको छ ।
कर कानुन पालना गर्दै यस्तनो दायरा विस्तार गर्न जोड दिँदै प्रमुख काफ्लेले कर शिक्षा हरेक व्यवसायी तथा व्यक्ति समेतलाइ अावश्यक भएको उल्लेख गर्नुभयो । उक्त कार्यक्रम खुम्बु पासाङल्हामु गाउँपालिका वडा नम्बर २ स्थित होटल नर्थफेसमा सञ्चालन गरिएको थियो भने लुक्लाका १ सय बढी व्यवसायी तथा सरोकारवालाहरूले यो तालीम लिएका छन् ।
Discussion about this post