छेस्काम माविको भुकम्प प्रतिरोधी छात्रावास भवनको उद्घाटन

जेठ ११, सोलुखुम्बु । महाकुलुङ गाउँपालिका वडा नम्बर ३ स्थित छेस्काम माविको छात्रावास भवनको उद्घाटन गरिएको छ । स्टे एट स्कुल नेपालद्वारा निर्मित ९ कोठे भुकम्प प्रतिरोधी छात्रावासको आज शुत्रबार संघिय सांसद मानविर राईले उद्घाटन गर्नुभएको हो ।

कुल २ करोड ४० लाखमा निर्मीत छात्राबास भवन ४८ जना विद्यार्थी क्ष्मताको रहेकोछ । भवन निर्माणका लागि विद्यालयले २० लाख रुपैयाँ बराबरको काठ उपलब्ध गराएको विद्यालयका प्रद्यानाध्यापक गुरुप्रसाद राईले जानकारी दिनुभयो । कक्षा ९ र १० का विद्यार्थीहरुलाई लक्षित गरेर निर्माण गरिएको छात्रावासमा फर्निचर, किचेन डायनिङ, खेलकुद तथा मनोरन्जनात्मक सामग्रीको समेत व्यवस्था गरिने विद्यलयले जनाएको छ ।

छात्राबासमा अंगे्रजी, विज्ञान र गणित विषयका ४ जना शिक्षक राखेर विद्यार्थीहरुलाई अतिरिक्त कक्षा समेत सञ्चालन गरिने छ । लामो समयदेखि शैक्षिक क्षेत्रमा कार्य गर्दै आएको स्टे एट स्कुल नेपालले सोलुखुम्बुमा छेस्काम माध्यमिक विद्यालय छेस्काम सहित छ वटा विद्यालयमा छात्रावास भवन निर्माण गरिसकेको छ ।

संस्थाले यसअघि सोलुदुधकुण्ड नगरपालिकाको जुनवेशी माध्यमिक विद्यालय, लिखुपिके गाउँपालिकाको चन्द्रज्योति माध्यमिक विद्यालय, थुलुङ दुधकोशी गाउँपालिकाको लोखिममा जनता माध्यमिक विद्यालय र जिवन ज्योति माध्यमिक विद्यालय, माप्य दुधकोशी गाउँपालिकाको बासाखाली माध्यमिक विद्यालयमा समेत छात्रावासको निर्माण गरिसकेको छ ।

सुविधा सम्पन्न छात्रावास भवन बनेसँगै विद्यार्थीहरुले अध्ययनको लागि थप सहजता भएको भन्दै खुशी व्यक्त गरेका छन् । यस अघि विद्यालयमा छात्रावास भवन नहुँदा विद्यार्थीहरुले टाढा भए पनि घरबाट नै विद्यालय धाउनु पर्ने बाध्यता रहेको संवादाता उद्धव कुलुङले जानकारी दिनुभयो । उद्घाटन कार्यक्रमा बोल्दै सांसद राईले जिल्लामा दरवन्दी सृजना गर्न अर्थ मन्त्रालय र शिक्षा मन्त्रालयमा पहल गर्दै छेस्काम माध्यमिक विद्यालयलाई प्राथमिकतामा राखीने बताउनुभएको छ ।