सोलुखुम्बुमा करिब १० जना विद्यार्थी एसइईमा अनुपस्थित

चैत्र १०, सोलुखुम्बु । सोलुखुम्बु सहित देश भर चैत्र ७ गतेबाट माध्यमिक शिक्षा परिक्षा (एसइई) शुरु भएको छ । जिल्लामा करिब १० जना विद्यार्थी परिक्षामा अनुपस्थीत भएका छन् । कुल १ हजार ६ सय ६० जना विद्यार्थीहरू परीक्षामा सामेल हुनका लागि फारम भरेका थिए । विद्यालयमा भर्ना गरेर बिरामी परेका, फारम भरेर विविध कारणबस परीक्षा नदिने मनासय बनाएका हुन सक्ने शिक्षा विकास तथा समन्वय एकाइ सोलुखुम्बुले जनाएको छ ।

हाल परिक्षा हलमा केन्द्राध्यक्ष बाहेक अन्य शिक्षक र विद्यार्थीलाई मोबाइल लैजान निषेध गरिएको छ । किताब, नोटबुक र गेसपेपर जस्ता सामाग्री हलमा लैजान कढाईका निषेध गरिएको शिक्षा विकास तथा समन्वय इकाई सोलुखुम्बुका सूचना अधिकारी प्रकाण्ड न्यौपानेले बताउनुभयो । १४ वटै परीक्षा केन्द्रबाट शान्त र मर्यादित रूपमा परीक्षा संचालन भइरहेको उहाँको भनाई छ ।