ताप्लीका अध्यक्ष बिश्वकर्माद्धारा २ दिने ताप्ली शैक्षिक सम्मेलनको उद्घाटन

चैत्र ११, सोलुखुम्बु । उदयपुरमा दुई दिने ताप्ली शैक्षिक सम्मेलन सुरु भएको छ । दरिलो अनुशासन गतिको पुर्वाधार, ताप्लिको अभियान शैक्षिक सुधार “भन्ने मुल नारा सहित ताप्ली गाउँपालिका रुपाटारमा २ दिने शैक्षिक सम्मेलन शुरु भएको हो ।

ताप्ली गाउँपालिका अध्यक्ष ढुङ्गराज बिश्वकर्माको सभाध्यक्षमा उद्घाटन भएको कार्यक्रममा प्रमुख अतिथी पुर्व उद्धोग, कृषी तथा सहकारी मन्त्री तथा कोशी प्रदेश सांसद रामकुमार खत्री, लिम्चुङ्बुङ गाउँपालिका अध्यक्ष मेजर कुमार राई, नेपाली काङ्ग्रेस ताप्ली सभापती दिपकुमार राष्कोटि, राष्ट्रीयस्तरका शिक्षाविद– डा. विद्यानाथ कोईराला, शिक्षा विज्ञ पुर्ण प्रसाद दवाडी र शिक्षा प्रेमी माधव कोईराला को उपस्थितमा ताप्ली शैक्षिक सम्मेलन शुरु भएको सहकर्मी ठबिन्द्र मगरले जानकारी दिनुभयो ।

सैद्धान्तिक, बैज्ञानिक र व्यावहारमुखी गुणस्तरीय शिक्षा प्राणालीलाई जोड दिने र ताप्लिको शैक्षिक स्थितिलाई गुणस्तरिय बनाउने उद्धेश्यले बिद्यालयका प्र.अ, शिक्षक, बिद्यालय व्यवस्थापन समिती र शिक्षासँग सम्बन्धित आम सरोकारवालाको सहभागिता रहेको छ । सम्मेलनमा बोल्दै शिक्षा बिज्ञ गुणराज दवाडिले शिक्षा भनेको पुर्वाधारको पनि पुर्वाधार हो, त्यसैले स्थानिय सरकारले पनि गहन सोच बनाई शिक्षामा योगदान दिन जरुरी रहेको बताउनुभयो ।

यस्तै रामकुमार खत्री लगायत अन्य राजनितिक दलका प्रतिनिधिहरुले आ–आफ्ना मन्तव्य राख्ने क्रममा बिद्यालयको शिक्षा गुणस्तरीय र प्रबिधिमैत्री बनाउन बिद्यालय, ब्यावस्थापन समिती सम्बन्धित सरोकारवाला र स्थानिय तहको नै बढी जिम्मेबार रहने भएकोले शैक्षिक सुधारका निम्ति शिक्षा नीति,भौतिक पुर्वाधार बिकासमा यो निकायबाट नै अगाडि बढिरहेको जिकिर गरेका छ्न ।

गाउँपालिकाको ५ वटा वडामा रहेको ४१ वटा बिद्यालयका शैक्षिक प्रगती प्रतिवेदन प्रस्तुत गरिएको थियो । शैक्षिक गतिबिधिमाथी छलफल अन्तरकृया र शिक्षा बिदको प्रस्तुतीहरु र प्रतिवद्धता तर्जुमाको कार्य भोलि हुने सत्रमा गरिने आयोजकले जनाएको छ ।