नेपाल सांस्कृतिक महासंघ सोलुखुम्बुको अध्यक्षमा बाबुराज कुलुङ चयन

चैत्र १३, सोलुखुम्बु । नेपाल सांस्कृतिक महासंघ सोलुखुम्बुको अध्यक्षमा बाबुराज कुलुङ चयन हुनुभएको छ । नेपाली काँग्रेसको शुभेच्छुक संस्था महासंघको तेस्रो जिल्ला अधिवेशनबाट कुलुङको नेतृत्वमा ११ सदसिय नयाँ समिती गठन गरिएको छ ।

सोलुखुम्बुको नेचासल्यान गाउँपालिका वडा नम्बर २ मा रहेको वी पी संस्कृत माविमा मंगलबार सम्पन्न कार्यक्रममा जिल्ला अध्यक्ष आश्विन थापाको अध्यक्षता रहेको थियो भने पूर्व मन्त्री तथा नेपाली काँग्रेस केन्द्रिय सदस्य बल बहादुर केसीको प्रमुख अतिथ्यता रहेको थियो । साथै कार्यक्रममा नेपाल साँस्कृतिक महासंघ कोशी प्रदेशका सभापति चिरञ्जीवी बस्नेत तथा नेपाल साँस्कृतिक महासंघका केन्द्रिय सदस्य बालकृष्ण निरौलाको पनि उपस्थित रहेको थियो ।

उक्त कार्यक्रममा महासंघको प्रदेश तथा केन्द्रिय प्रतिनिधी समेत छनौट गरेको छ । प्रदेश प्रतिनिधीमा कृष्ण राई, शान्ति बस्नेत, मेम कुमारी राजभण्डारी, टेक बस्नेत, मनिषा घतानी र प्रवेश राई रहनुभएको छ । यस्तै कन्द्रिय प्रतिनिधीमा बाबुराजा केसी, अश्विण थापा, टेक नाछिरिङ्ग, तारा भण्डारी, मिलन केसी लाई पठाउने निर्णय गरेको छ ।

कार्यक्रममा नेपाली कांग्रेसका केन्द्रिय सदस्य तथा पूर्व मन्त्री बलबहादुर केशी, नेचासल्यान गाउपालिकाका अध्यक्ष धनजन राई , नेपाली कांग्रेस का प्रभावशाली नेता तथा महाधिवेशन प्रतिनिधी प्रकाश सिं कार्की, गाउपालिका उपाध्यक्ष बिना राईको उपस्थिति थियो ।