चैत्र १४, सोलुखुम्बु । सोलुदुधकुण्ड नगरपालिका वडा नम्बर ९ गोराखानीमा बुद्धपार्क बन्ने भएको छ । भ्याट बाहेक ६८ लाख ५९ हजारको लागतमा बन्ने बुद्ध पार्कका लागि विहीबार सोलुदुधकुण्ड नगरपालिका र निर्माण कम्पनी खुम्बिला निर्माण सेवा विच सम्झौता भएको हो ।
सोलुदुधकुण्ड नगरपालिकाका प्रमुख प्रशासकीय अधिकृत टुक्ति शेर्पा र निर्माणकम्पनीका प्रोपाईटर धनबहादुर विक विच निर्माण सम्बन्धि सम्झौता पत्रमा हस्ताक्षर भएको हो । निर्माण कम्पनीले गोराखानीको वडा कार्यालय नजिकै स्थाई सम्रचानाको २४ फिट अग्लो बुद्ध मुर्ति निर्माण गर्ने छ ।
पार्क निर्माणको कार्य आगामि जेठ मसान्त भित्र सम्पन्न गरि नगरपालिकालाई हस्तान्तरण गर्नु पर्नेछ । गोराखानीमा पार्क निर्माण भएसँगै धार्मिक पर्यटनमा ठूलो टेवा पुग्ने नगरप्रमुख नाम्गेल जाङबु शेर्पाले विश्वास ब्यक्त गर्नुुभयो ।
Discussion about this post