नेचासल्यानमा आगलागी, एक घर जलेर नष्ट

चैत्र १६, सोलुखुम्बु । सोलुखुम्बुको नेचासल्यान गाउँपालिका वडा नम्बर १ ख्याम्पुमा आगलागी हुँदा एक घर जलेर नष्ट भएको छ । शुक्रबार राति १० : ३० बजेको समयमा ख्याम्पुका शेर बहादुर मगरको घर जलेर नष्ट भएको हो ।

आगलागिबाट मगरको ढुगांमाटो, काठ र ढुगांको छानो भएको १ तले घर जलेको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो । उहाँका अनुसार आगलागिबाट घर भित्र रहेको भाडावर्तन, लत्ताकपडा, अन्नपात पूर्ण रुपमा जलि नष्ट भएको हो ।

राति ११ बजे इलाका प्रहरी कार्यालय नेचामा आगो लागेको जानकारी पाउना साथ अस्थाई प्रहरी चौकी सल्यानबाट प्रहरीको टोली खटिगई नियन्त्रणमा लिइएको प्रहरीले जनाएको छ । आगो के कारणले लाग्यो खुल्न सकेको छैन् ।