खिरौलेमा छात्रावास तथा सामुदायिक भवनकाे उद्घाटन, यस्ता छन् सेवाहरू

चैत्र १६,सोलुखुम्बु । महाकुलुङ गाउँपालिकाको खिरौलेमा छात्रावास तथा सामुदायिक भवन निर्माणको उद्धघाटन गरिएको छ । शनिवार एक औपचारिक कार्यक्रमको गर्दै उक्त भवन उद्घाटन गरिएको हो । खिरौले आधारभूत विद्यालयको विद्यालय व्यवस्थापन समितिको अध्यक्ष किफुटी शेर्पाको अध्यक्षता तथा महाकुलुङ गाउँपालिका अध्यक्ष सुर्य बहादुर कुलुङको प्रमुख आतिथ्यमा सो कार्यक्रम सम्पन्न भएको छ ।

खिरौले शिक्षा तथा स्वास्थ्य परियोजना बेलायत र रोटरी क्लब अफ केण्डल बेलायतको आर्थिक सहयोग तथा महाकुलुङ गाउँपालिकाको प्राविधिक सहयोगमा भवन निर्माण सम्पन्न भएको हो । खिरौले आधारभूत विद्यालय महाकुलुङ १ को विद्यार्थीहरुको छात्रावासका साथै खिरौले निवासीहरुको लागि उक्त सामुदायिक भवन बनाइएको खिरौले शिक्षा तथा स्वस्थ्य परियोजना बेलायतको अध्यक्ष ल्हाक्पा कितार शेर्पाले बताउनुभयो ।

परियोजना सम्पन्न गर्न जम्मा ७१ लाख ५१ हजार ५ सय ६ रुपैयाँ लागत रहेको पनि बताउनुभयो । महाकुलुङमा आधारभूत विद्यालयको लागि छात्रावास पहिलो पटक खिरौलेमा बनेको हो ।

कार्यक्रममा महाकुलुङ गाउँपालिकाको वडा अध्यक्षहरु, निमित्त प्रमुख प्रशासकीय अधिकृत, लेखा प्रमुख, शिक्षा शाखा प्रमुख, वि.व्या.स. अध्यक्षहरु, प्रधानाध्यापकहरु, सहयोगी संस्थाका प्रतिनिधिहरु, विभिन्न संघ संस्थाका प्रतिनिधिहरु लगायत स्थानीय बुद्धिजीवीहरुको उपस्थितिमा सम्पन्न भएको हो ।

खिरौलेमा विभिन्न क्षेत्रमा निरन्तर सहयोग गर्दै आइरहनुहुने ल्हाक्पा कितार शेर्पा र नाम्गेल शेर्पालाई महाकुलुङका जनप्रतिनिधिहरु, कर्मचारीहरु लगायत स्थानीयहरुले धन्यवाद व्यक्त गर्दै निरन्तर सहयोगको लागि अनुरोध गरेका छन् ।