महामन्त्री थापाको प्रमुख आतिथ्यतामा सकियो स्व.बस्नेतको श्रद्धाञ्जली सभा

चैत्र १८, सोलुखुम्बु । नेपाली कांग्रेसका महामन्त्री गगन कुमार थापाको प्रमुख आतिथ्यतामा गणेश बहादुर बस्नेतको श्रद्धाञ्जली सभा सम्पन्न भएको छ । सोमबार नेपाली कांग्रेस सोलुखुम्बुको आयोजनामा कांग्रेसका जेष्ठ राजनीति सदस्य तथा समाजसेवी गणेश बहादुर बस्नेतको श्रद्धाञ्जली सभा सम्पन्न भएको हो ।

नेपाली कांग्रेस सोलुखुम्बुका सभापति नाम्गेल जाङबु शेर्पाको अध्यक्षतामा तथा केन्द्रीय सदस्य तथा पर्यटन विभाग प्रमुख आङ गेलु शेर्पाको विशेष आतिथ्यतामा बस्नेतको योगदानको स्मरण गर्दै उहाँप्रति श्रद्धासुमन अर्पण गरिएको नेपाल तरुण दलका केन्द्रिय सदस्य नविन थापाले जानकारी दिनुभयो ।

काठमाडौंको शुकेधारा नव दुर्गा पार्टी प्यालेसमा सम्पन्न भएको कार्यक्रममा स्व. बस्नेतले गरेको देशप्रतिको योगदानको उच्च सम्मान गर्दै श्रद्धासुमन अर्पण गरिएको जनाइएको छ ।