सोलुमा आइभिपि खोप अभियान १३ गतेबाट सुरु

जेठ १२, सोलुखुम्बु । सोलुखुम्बुमा आइभिपि खोप अअभियान यहि जेठ १३ गतेबाट १९ गते सम्म ६ दिन सञ्चालन हुने भएको छ । जिल्ला खोप समन्वय समितिको बैठक बस्दै आज खोप अअभियान सञ्चलन हुने जानकारी गराइएको हो । जिल्ला खोप समन्वय समिति सोलुखुम्बुका संयोजक एवं जिल्ला समन्वय समिति सोलुखुम्बुका प्रमुख कृष्ण प्रसाद निरौलाको अध्यक्षतामा फाप्लु मा बसेको बैठकले खोप अअभियान सुरु गर्ने निर्णय गरेको हो । नेपाल सरकारले घोषणा गरेको राष्ट्रिय आइभिपि खोप अभियान अन्तर्गत सोलुखुम्बुका २ सय ९८ खोप केन्द्रबाट यो खोप दिइने जनाइएको छ ।

पोलियो विरुद्ध को खोप आइभिपि वि.सं २०७३ बैशाख देखी ७५ असोज सम्म जिल्लामा जन्मिएका बालबालिकाहरुका लागी अभियान मार्फत खोप लगाइने छ । हाल जिल्लामा सो समयमा छुटेका ४ हजार ८ सय ८८ लक्षित बालबालिका रहेको स्वास्थ्य कार्यालय सोलुखुम्बुका प्रमुख सुमन अर्यालले जानकारी दिनुभयो । जिल्ला समन्वय समिति प्रमुख नाराैलाले सबै बालबालिका सम्म खाेपकाे पहुँच पुर्याउन अधिकतम प्रचार गर्न अनुराेध गर्नुभएकाे छ ।   बैठकमा जिल्ला प्रशासन कार्यालय सोलुखुम्बुका प्रमुख तथा जिल्ला खोप समन्वय समितिका सदस्य देवी पाण्डे खत्रीले सबैलाई खोपको सुनिश्चितता गराउन र पुर्ण खोप पाएको सुनिश्चितता गर्न अनुरोध गर्नुभएको छ ।

बैठकमा जिल्ला प्रहरी कार्यालय सोलुखुम्बुका डिएसपी द्वारिका प्रसाद घिमिरे, सेनानी नवराज बस्नेत, शसस्त्र प्रहरी बल आश्रित गुल्मका प्रमुख कृष्ण खतिवडा, सहायक प्रमुख जिल्ल अधिकारी सरोज अर्याल, शिक्षा विकास तथा समन्वय इकाइका इकाइ प्रमुख पुण्य राज डंगोल लगायत सरोकारवालाहरुको उपस्थिति थियो ।