सोलुदुधकुण्ड यूथ क्लबद्धारा प्रिति राई सम्मानित

जेठ १२, सोलुखुम्बु । सोलुदुधकुण्ड यूथ क्लब सल्लेरी सोलुखुम्बुले राष्ट्रिय महिला फुटबल टोलीका सदस्य प्रीति राईलाई सम्मान गरेको छ । आज शनिबार जिल्ला समन्वय समितिको सभाहलमा राईलाई सम्मान गरेको हो ।

सोलुदुधकुण्ड युथ क्लबका अध्यक्ष क्षितिज तामाङको अध्यक्षता तथा जिल्ला समन्वय समितिका प्रमखु कृष्ण प्रसाद निरौैलाको प्रमुख आतिथ्यतामा हौसला स्वरुप कदर पत्र तथा दोसल्ला ओढाएर सम्मान गरिएको आयोजकले जनाएको छ । साथै खेलाडी राईलाई कुलुङ जातिको पोशाक लगाएर सम्मान गरिएको छ ।

कार्यक्रमलाई सम्बोधन गर्दै सोलुदुधकुण्ड युथ क्लबका अध्यक्ष क्षितिज तामाङले खेलकुदलाई निरन्तरता दिएको खण्डमा सफलता अवश्य मिल्ने बताउनुभएको छ । यस्तै जिल्ला समन्वय समितिका प्रमुख कृष्ण प्रसाद निरौलाले जिल्लाका खेलाडीहरुलाई उच्च स्तरमा पु¥याउनको लागि सक्दो सहयोग गर्ने प्रतिबद्धता व्यक्त गर्नुभएको छ ।

उक्त सम्मान कार्यक्रमा नेपाली राष्ट्रिय महिला टिमका यू १९ का प्रमुख प्रशिक्षक बाल गोपाल साउखला, एनपिव रियले वल्ड जापानका सचिव चिकाका मियामोता, पूर्व रियल वल्डका सचिव इन्दु दुवाल तथा विक्रम श्रेष्ठ लगायतको उपस्थिति रहेको थियो ।