केपिलासगढीमा किसानको सहजताका लागि तोरी पेल्ने मिल

चैत्र २०, सोलुखुम्बु । खोटाङको केपिलासगढी गाउँपालिकाले तोरी पेल्ने मिल सञ्चालनमा ल्याएको छ । खाने तेलमा आत्मनिर्भर बन्ने योजना अघिसारेको पालिकाले किसानको सहजताका लागि मिल सञ्चालनमा ल्याएको जनाएको छ । तेलमा आत्मनिर्भर बन्न गाउँपालिकाले तोरी खेती प्रवर्धन कार्यक्रम सञ्चालन गरिरहेको छ ।

गाउँपालिकाले उन्नत जातको तोरीको बीउ वितरण गरेपछि किसानले मनग्य तोरी फलाएका छन् । सो तोरी पेल्न समस्या भएकाले गाउँपालिकाले मिल सञ्चालनमा ल्याएको गाउँपालिका अध्यक्ष समिर राईले बताउनुभयो । व्यवस्थापन सहित साढे ६ लाख रुपैयाँको खर्चमा तोरी पेल्ने मिल खरिद गरेर गाउँपालिकाको वडा नम्बर ३ बास्पानीमा मिल सञ्चालनमा ल्याइएको अध्यक्ष राईको भनाइ छ ।

गाउँपालिकाभित्रका तोरी पेल्ने किसानले बजार मूल्यमा प्रतीकेजी पाँच रुपियाँ छुट पाउने छन् । किसानले व्यावसायिक रूपमा तोरी खेती लगाए पनि पेल्ने मिलको अभाव भएपछि गाउँपालिकाले मिल सञ्चालनमा ल्याएको हो ।