सोताङका अध्यक्ष बस्नेतले गरे सुनाखरी साबुन उद्योगको उदघाटन

चैत्र २०, सोलुखुम्बु । सोलुखुम्बुको सोताङ गाउँपालिका अध्यक्ष खिलराज बस्नेतले सुनाखरी साबुन उद्योगको उदघाटन गर्नुभएको छ । गाउँपालिकाको वडा नम्बर ५ मा रहेको उक्त उद्योगको बुधबार एक औपचारिक कार्यक्रमका बिच अध्यक्ष बस्नेतले रिवन काटेर उदघाटन गर्नुभएको हो ।

उदघाटन कार्यक्रममा बोल्दै अध्यक्ष बस्नेतले सोताङमा अब विकासमा मात्र नभई उत्पादनमा समेत जोडिन थालेकोले खुशी व्यक्त गर्दै निरन्तरताको लागि कामना व्यक्त गर्नुभयो । उक्त कार्यक्रमका सम्पूर्ण वक्ताहरुले उद्योगलाई शुभकामना व्यक्त गर्दै गुणस्तरमा जोड दिन ध्यानाकर्षण गराएका छन् ।

यस उद्योगबाट साबुन उत्पादन हुन थालिसकेको जनाइएको छ । उदघाटन कार्यक्रममा पालिका उपाध्यक्ष अन्जु नाछिरीङ, सोताङ गाउँपालिका वडा नम्बर ५ वडा अध्यक्ष मानवीर राई, सोताङ गाउँपालिका वडा नम्बर ३ वडा अध्यक्ष गोकर्ण बस्नेत, नि.प्रमुख प्रशासकीय अधिकृत श्रीध्वज राई, कार्यपालिका सदस्य बलुकुविर नाछिरीङ, सुनाखरी साबुन उद्योग संचालक समिति अध्यक्ष, वडा सदस्य यादव नाछिरीङ लगायत वडा सदस्य मनोज तामाङ र स्थानीयबासीहरुको उपस्थिति रहेको थियो ।