चैत्र २१, सोलुखुम्बु । सोलुखुम्बुको नेचासल्यान गाउँपालिका वडा नम्बर ५ बतासेमा आगलागी हुँदा गोठमा रहेको भैँसी जलेर सक्त भएको छ । बिहिबार दिउँसो १२ : ३० बजेको समयमा बतासेका चित्र बहादुर राईको गोठमा भैँसीलाई खोले पकाउने क्रममा आगलागी भएको हो । उक्त गोठ चित्राले बनाइएको थियो ।
आगलागीबाट गोठ नजिकै रहेको ढुगांमाटोले बनेको टिनको छानो भएको १ तले घरमा समेत क्षति पुगेको जिल्ला प्रहरी कार्यालय सोलुखुम्बुले जनाएको छ । आगो लागेको जानकारी प्राप्त हुनसाथ तत्काल ईलाका प्रहरी कार्यालय नेचाबाट प्रहरीको टोली खटिगई करिब १ : २५ बजेको समयमा आगो पुर्ण रुपमा नियन्त्रणामा लिइएको डिएसपी द्धारिका प्रसाद घिमिरेले जानकारी दिनुभयो ।
Discussion about this post