मोलुङ ६ पूर्ण खोप सुनिश्चितता वडा घोषणा

सोलुखुम्ब, चैत २१ । ओखलढुंगाको मोलुङ गाउँपालिका वडा नम्बर ६ लाई पूर्ण खोप सुनिश्चितता वडा घोषणा गरिएको छ । बिहिबार मोलुङ गाउँपालिका ६ श्रीचौरलाई पूर्ण खोप सुनिश्चितता वडा घोषणा गरिएको हो । जन्मेदेखी १५ महिना उमेर समुहका २४ जना र १६ देखी २४ महिना अथार्त २ वर्षसम्मका २० जना गरी कुल ४४ जनाले पूर्ण खोप लगाएको गाउँपालिका स्वास्थ्य शाखा प्रमुख बेदहरी दाहालले बताउनुभयो ।

गाउँपालिका स्वास्थ्य शाखाको आयोजनामा भएको कार्यक्रममा नियमित खोप सुदृढीकरण पूर्ण खोप सुनिश्चितता घोषणा कार्यक्रम पालिका ६ का वडा अध्यक्ष कमल तामाङको सभापतित्वमा भएको कार्यक्रम गाउँपालिका स्वास्थ्य शाखा प्रमुख बेदहरी दाहालको प्रमुख अतिथ्यतमा भएको थियो । उक्त कार्यक्रमा कार्यालय सहयोगी जाङ्बु शेर्पा र स्वयंसेविका चुनिमाया तामाङलाई खदामाला, र सम्मानपत्रले फेरि भेटाउला कार्यक्रम अन्तर्गत बिदाइ गरिएको छ ।