चैत्र २२, सोलुखुम्बु । उदयपुरको लिम्चुङबुङ गाउँपालिका वडा नम्बर ५ जाँतेमा पोषणमैत्री वडा घोषणा सम्बन्धि एक दिने अभिमुखिकरण कार्यक्रम दिइएको छ । शुक्रबार पालिकाको स्वास्थ्य शाखाको आयोजनामा पोषण मैत्री वडा घोषणा गर्नका लागि राजनीतिक दलका प्रतिनिधि, शिक्षक, महिला स्वास्थ्य स्वंयमसेविका लगायत टोल बिकास समितीलाई अभिमुखिकरण तालिम दिइएको हो ।
पोषणमैत्री घोषणाका लागि पूरा गर्नुपर्ने सबै सुचक पूरा भएपछि वडालाई पोषणमैत्री घोषणा गरिने तयारी रहेको बालमैत्री स्थानीय शासन फोकल पर्सन मिलन परियारले जानकारी दिनुभयो । उक्त कार्यक्रममा स्वास्थ्य शाखा प्रमुख कर्णशेर राईले आजका बालबालिका नै हाम्रो भबिस्य भएकोले उनिहरुलाई पोषणयुक्त बनाउनुपर्ने बताउनुभयो ।
घोषणालाई दिगो र टिकाउ बनाउन सबै जनप्रतिनिधिले जनताको विश्वासलाई डग्न दिन नहुनेमा जोड समेत दिनुभयो । घरको अन्न तथा स्थानीय स्तरमा पाईने अर्गानिक हरियो सागपात खाएमा शरिरलाई पोषिलो बनाउने भएकोले उक्त खानेकुरा खुवाउनु पर्ने उहाँको भनाई छ ।
Discussion about this post