रोटरी क्लब अफ काठमाण्डौँद्वारा सगरमाथा आविलाई सात थान कम्प्युटर सहयोग

चैत्र २३, सोलुखुम्बु । रोटरी क्लब अफ काठमाण्डौँ वेष्ट एण्ड इब्ल्याकबोर्डद्धारा सगरमाथा आधारभूत विद्यालयलाई सात थान कम्प्युटर सहयोग गरिएको छ । शुक्रबार सोलुखुम्बुको नेचासल्यान गाउँपालिका वडा नम्बर १ स्थित उक्त विद्यालयलाई विद्यालयमा कम्प्युटर शिक्षा प्रदान गर्न कम्प्युटर सहयोग गरिएको हो । नेचासल्यान गाउँपालिकाकी उपाध्यक्ष विना राईको बिषेश पहलमा डिजिटल प्रविधिमा आधारित पठनपाठनलाई प्रोत्साहित गर्न कम्प्युटर प्रदान गरिएको रोटरी क्लबका सदस्य निमा शेर्पाले जानकारी दिनुभयो । प्रविधिको प्रयोग गरेर विद्यार्थीलाईृ अध्यापन गराउन सहयोग पुग्ने र विद्यालयको गणस्तरमा पनि वृद्धि हुने अपेक्षा राख्नुभएको छ ।

यस्तै सगरमाथा आविका प्रध्यानाध्यापक राधा बस्नेतले सामुदायिक विद्यालय खाली भइरहेको समयमा विद्यार्थीलाई आधुनिक तरीकाबाट शिक्षा प्रदान गर्न आवश्यक रहेको भन्दै विद्यालयमा अत्यावश्यक सामग्री प्राप्त भएको र यसले विद्यालयको पठनपाठनमा धेरै सजिलो हुने बताउनुभयो । साथै सहयोगीदाताहरुलाई विद्यालय परिवारले धन्यवाद व्यक्त गरेका छन् । उक्त सामाग्री हस्तान्तरण कार्याक्रममा रोटरी क्लब अफ काठमाडौँका अध्यक्ष देश कुमार श्रेष्ठ, रोटरी क्लब अफ काठमाडौँका पूर्व अध्यक्ष राजेश कायस्थ, सदस्य निमा शेर्पा लगायतको उपस्थिती रहेको थियो ।