चैत्र २३, सोलुखुम्बु । द ब्राइट भिजन फाउण्डेशन काठमाडौँले आज सोलुखुम्बुमा नि : शुल्क स्वास्थ्य शिविर संचालन गर्दै छ । रोटरी क्लब अफ काठमाडौँ संकल, रोटरी क्लब अफ सल्लेरीको समन्वय र सहयोग तथा गंगलाल हृदय केन्द्र काठमाडौँको प्राविधिक सहयोगमा नि : शुल्क स्वास्थ्य शिविर बिहान १० बजेबाट संचालन गरिने फाउण्डशेनका संचालक डा. मिङमार शेर्पाले जानकारी दिनुभयो ।
सिसाखोला आधाभूत विद्यालयमा हुने शिविरमा मुटुरोग विशेषज्ञहरुद्धारा परिक्षण, नि : शुल्क ईसीजी सेवा, नि : शुल्क मुटुको भिडियो एक्सरे तथा ईको, मुटुरोग सम्बन्धि औषधी वितरण र आँखा सम्बन्धि उपचार गरिने भएको छ ।
उपचारका लागि मंहगो रकम खर्च गरेर काठमाण्डौ सम्म जानुपर्ने स्थानीय नागरिकको बाध्यतालाई मध्यनजर गर्दै शिविरको आयोजना गरिएको द ब्राइट भिजन फाउण्डेशनका अध्यक्ष गेल्बु शेर्पाले बताउनुभयो ।
Discussion about this post