सोलुका दुई स्थानमा आगलागी, नियन्त्रणको प्रयास जारी

चैत्र २३, सोलुखुम्बु । हिमाली जिल्ला सोलुुखुम्बुको दुई स्थानमा आगलागी भईरहेको छ । जिल्लाको सोलु दुधकुण्ड नगरपालिका वडा नम्बर ७ रोशी र थुलुङ दुधकोशी गाउँपालिका वडा नम्बर २ गैरीमा आगलागी भइरहेको हो ।

रोशी स्थित ग्याम डाँडा सामुदायिक वनमा बिहान ८ : २० बाट आगलागी सुरु भएको छ भने, गरी स्थित सरकारी वनमा बिहान १० बजेको समयबाट आगलागी भईरहेको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो ।

उहँका अनुसार अस्थाई प्रहरी पोष्ट दोर्पु र काँगेलबाट प्रहरीको टोली खटिगई स्थानीयबासीहरुको सहयोगमा आगो निभाउने कार्य भइरहेको छ । आगलागीको कारण खुल्न सकेको छैन ।