नेपाल राष्ट्रिय निजामती कर्मचारी संगठनको बैठक सोलुमा सकियो, यस्तो छ निर्णयहरु

चैत्र २३, सोलुखुम्बु । नेपाल राष्ट्रिय निजामती कर्मचारी संगठन, जिल्ला समिति सोलुखुम्बुको पहिलो विस्तारित बैठक सम्पन्न भएको छ । नेपाल राष्ट्रिय निजामती कर्मचारी संगठनका केन्द्रीय सदस्य सुवास तामाङ र कोशी प्रदेश उपाध्यक्ष रत्न प्रसाद चौँलागाईको विशेष उपस्थितीमा सल्लेरीमा उक्त बैठक सम्पन्न भएको हो ।

बैठकले नागेन्द्र बस्नेतको अध्यक्षतामा गठित १५ सदस्यीय समिति गठन गरिएको छ । जसको उपाध्यक्षमा बन्दना राई, उषा दाहाल र हिरोन राई रहनुभएको छ, भने सचिवमा प्रकाण्ड न्यौपाने, कोषाध्यक्षमा प्रमित मगर र सहसचिवमा सागर मग्रातीलाई चयन गरिएको समितिका अध्यक्ष नागेन्द्र बस्नेतले बताउनु भएको छ । यस्तै जिल्लाका आठ वटै स्थानीय तहमा पालिका भेला गर्नका लागि संयोजकहरु तोकिएको र लेखा अधिकृत तिर्थराज कटेलको संयोकत्वमा सल्लाहकार समिति गठन गर्ने निर्णय गरिएको छ ।

यस्तै नेपाल निजामती कर्मचारी संगठन, सोलु जिल्ला समितिका पूर्व उपाध्यक्ष तिर्थराज कटेल सहित २ जना कर्मचारीहरुलाई नेपाल राष्ट्रिय निजामती कर्मचारी संगठनमा प्रवेश गरेकोमा स्वागत गरिएको अध्यक्ष बस्नेतले जानकारी दिनुभयो । भेलाले नेपाल राष्ट्रिय कर्मचारी महासंघको ७ सदस्यीय समितिलाई पूर्णता दिइको छ ।

वन अधिकृत मनराज राईको संयोजकत्वमा गठित उक्त समितिका उपाध्यक्षमा खिला तामाङ, सचिवमा कूलदीप साह र कोषाध्यक्ष बाबुराम बस्नेत चयन हुनुभएको छ । सो भेलाले सोलुखुम्बु जिल्लामा कार्यरत स्वास्थ्यकर्मीहरुको छाता संगठन प्रगतिशील जनस्वास्थ्यकर्मी महासंघ नेपालको सोलु जिल्ला समिति गठन गर्नको लागि कोपिला श्रेष्ठको संयोजकत्वमा ९ सदस्यीय एक सम्मेलन आयोजक समिति समेत गठन गरिएको महासंघका जिल्ला अध्यक्ष मनराज राईले बताउनुभयो ।