लिम्चुङ्बुङमा बाल बिबाह विरुद्ध सडक नाटक प्रदर्शन

चैत्र २३, सोलुखुम्बु । उदयपुरको लिम्चुङ्बुङ गाउँपालिका वडा नम्बर ५ जाँतेमा बाल बिबाह विरुद्ध सडक नाटक प्रदर्शन गरिएको छ । वडा बाल अधिकार समितीको समन्वय तथा हिमालय बालक्लब र एकता किशोरकिशोरी समुह हिम्माको संयुक्त आयोजनामा बाल बिबाह विरुद्ध सडक नाटक प्रदर्शन गरिएको हो ।

बाल विवाह न्यूनिकरणका लागि जनचेतना जगाउने उद्धेश्यले जिल्लाको ग्रामिण क्षेत्रमा बाल विवाह विरुद्धको सडक नाटक आयोजना गरिएको बाल क्लब अध्यक्ष रितु राईले बताउनुभयो । नाटकमा बाल बिबाहबाट हुने असर, जोखिम र समाजमा परेको नकारात्मक प्रभावको बारेमा प्रस्तुति दिइएको थियो ।

लिम्चुङ्बुङ गाउँपालिका वडा नम्बर ५ का वडा अध्यक्ष कबिचन्द्र राईको प्रमुख आतिथ्यतामा बालबिबाह न्यूनीकरण गर्न र जनचेतना फैलाउन यो कार्यक्रम आयोजना गरिएको बालमैत्री स्थानीय शासन फोकल पर्सन मिलन परियारले जानकारी दिनुभयो ।

सानै उमेरमा विहे गरेपछि बच्चा छिटै जन्माएर हुर्काउन सकिन्छ भन्ने समाजमा रहेको गलत मान्यताले गर्दा वाल विवाह अझै न्यूनिकरण हुन सकिरहेको छैन् । अर्काेतिर आधुनिक प्रविधिको गलत प्रयोग र साथीभाईको देखासिकिले गर्दा पनि वाल विवाह हुने गरेका छन् ।