चैत्र २३, सोलुखुम्बु । नेकपा माओवादी केन्द्र नेचासल्यान गाउँपालिका वडा नम्बर ३ को अध्यक्षमा सबिन फुयाल चयन हुनुभएको छ । शनिबार दोस्रो वडा अधिवेशनबाट अध्यक्षमा फुयाल चयन हुनुभएको हो । यस्तै समितको उपाध्यक्षहरुमा सुदिप राई, भीम ढुंगेल र रोहित नेपाली चयन हुनुभएको छ ।
कुसुम प्रतिष्ठानका अध्यक्ष लोकेन्द्र आर.सीका अनुसार सचिवमा यानु राई, सह सचिवमा घटराई खड्का र कोषाध्यक्षमा भुजा नेपाली सहित १७ सदस्य कार्यसमिति चयन गरेको हो ।
उक्त अधिवेशनमा बम बांस्तोलाको अध्यक्षता तथा गाँउपार्टीका इन्र्चाज केशर राईको प्रमुख आतिथ्यतामा रहेको थियो भने प्रदेश सदस्य अनिल राई, गाउँपार्टी अध्यक्ष सिताराम भट्टराई , कुसुम प्रतिष्ठानका अध्यक्ष लोकेन्द्र आर.सी., जिल्ला सचिवालय सदस्य भुपेन्द्र कटेल, सचिव वियस राई , माओवादी केन्द्रका नेता मुक्ति शर्मा, गुणराज कटेल लगायतले निर्वाचित समितिलाई बधाई र शुभकामना व्यक्त गर्नुभएको थियो ।
Discussion about this post