देशमा राजतन्त्र फर्कन असम्भव रहेको रक्षामन्त्री राईको दाबी

चैत्र २३, सोलुखुम्बु । रक्षामन्त्री मानवीर राईले देशमा राजतन्त्र फर्कन असम्भव रहेको दावी गर्नुभएको छ । शनिवार काठमाडौँमा किराँत राई कर्मचारी मञ्चले आयोजना गरेको १५ औँ स्थापना दिवसको अवसरमा आयोजित कार्यक्रमलाई सम्बोधन गर्दै उहाँले यस्तो दावी गर्नुभएको हो ।

उहाँले इतिहासले तत्कालीन राज्यलाई फालेको, लिच्छवीकालीन, मल्लकालीन शासन फालेको उल्लेख गर्दै शाह र राणाहरू पनि आन्दोलनबाट फालिएको उल्लेख गर्नुभयो । यस्तै इतिहासमा फर्किनु भनेको मरेका पुर्खालाई फर्काउनु भएको बताउनुभयो । राजतन्त्र फर्काउने कुराप्रति टिप्पणी गर्दै राजतन्त्र फर्काउने कुरा सम्भव नरहे पनि केहीले प्रयास गरेको उहाँको भनाई छ ।

आफूहरूले पनि विभिन्न नाममा आन्दोलन गरेको तर व्यक्तिको घरमा आगो लगाउने, लुट्ने, पत्रकार जलाउने काम नगरेको बताउदै आफूहरूले मान्छेलाई जिउँदो जलाउने काम नगरेको भन्दै अहिले अराजकता देखिएको उल्लेख मन्त्री राईले उल्लेख गर्नुभयो ।