सोलुको सोताङमा बोलेरो दुर्घटना १ को मृत्यू, १ बालक घाईते

सोलुखुम्बुको सोताङ गाउँपालिकामा भएको बोलेरो दुर्घटनमा एक जनाको मृत्यू भएको छ । वडा नम्बर २ बाट जुके भन्ने स्थान जाँदै गरेको प्र–३–०१–०२४ च ६८१४ नम्बरको बोलेरो जीप सडकबाट खस्दा उक्त गाडीमा सवार ३० बर्षिया सरिता राईको मृत्यू भएको हो । शनिबार बेलुका समानबोकेर जुके पुगेको उक्त गाडी चिप्लिएर करिब ३ सय मिटर तल भीरमा झरेर दुर्घटना हुँदा सरिता र उनको १८ महिनाको बच्चा घाईते भएका थिए ।
उनीहरुलाई उपचारको लागि सोताङ अस्पताल लैजाँदा गर्दा आमाको बाटोमै मृत्यू भएको हो भने १८ महिनाका छोरा रेवन राई घाईते भएका छन् । गाडीमा सवार अन्य २ यात्रु भने सकुशल रेहका छन् । चालक ४३ बर्षिय प्रेम राई प्रहरीको नियन्त्रणमा रहेको ईलाका प्रहरी कार्यालय सोताङले जनाएको छ ।