चैत्र २४, सोलुखुम्बु । द ब्राइट भिजन फाउन्डेनको आयोजनामा सोलुखुम्बुमा शनिबार आयोजित मुटु तथा आँखा सम्बन्धी एक दिने निःशुल्क स्वास्थ्य शिविरबाट ५६७ सर्वसाधारण लाभान्वित भएका छन् ।
सोलुमा जन्मेर हाल अमेरिकामा रहनुभएका डाक्टर मिङ्मार शेर्पाको पहलमा उहाँकै संस्था मार्फत यस शिविर सञ्चालन गरिएको हो । यस शिविरमा मुटु सम्बन्धी २४६ जना र आँखाका विरामी ३२१ जनाले सेवा लिएका छन् ।
द ब्राइट भिजन फाउण्डेशन काठमाडौं, रोटरी क्लब अफ काठमाडौँ सर्कल तथा रोटरी क्लब अफ सल्लेरीको आयोजना तथा सहिद गंगलाल हृदय केन्द्र काठमाडौँको प्राविधिक सहयोग, मातृका आँखा अस्पताल काडमाण्डौंको समन्वयमा एक दिने निःशुल्क स्वास्थ्य शिविर सम्पन्न भएको हो ।
सामान्य चेकजाज तथा उपचारका लागि मंहगो रकम खर्च गरेर सदरमुकाम तथा बाहिरी जिल्ला जानुपर्ने बाध्यता यस शिविरले हटेको भन्दै सेवाग्राहीहरुले खुसि व्यक्त गरेका छन् ।
Discussion about this post