माप्य ६ मा राष्ट्रिय प्रसारण लाईनको मिटर बक्स जडान गरिने

चैत्र २४, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर ६ मा राष्ट्रिय प्रसारण लाईनको मिटर बक्स जडान गरिदिने भएको छ । वडा कार्यालयले शुक्रबार एक सूचना जारी गर्दै केन्द्रिय विधुत विस्तारका लागि पाब्दु ट्रान्स मिटर, हस्पिटल ट्रान्स मिटर, थालम र चोच्मी ट्रान्स मिटर, जलेश्वरी आवि र लवदा ट्रान्स मिटर वरिपरिका नागरिकहरुलाई आवश्यक कागजातहरु वडा कार्यालयमा बुझाउन अनुरोध गरेको छ ।

जलेश्वरी आ.वि र लवदा ट्रान्स मिटर वरिपरिका (साविक वाकु वडा नम्बर ७ र ८) का नागरिकहरुले राष्ट्रिय प्रसारण लाईनको मिटर बक्स जडानका लागि चैत्र २४ गतेबाट ४ दिन भित्र कागजात बुझाउनु पर्नेछ ।

यस्तै जलेश्वरी आवि र बाकीँ (साविक वाकु गाविस वडा नम्बर ५,६ र १) का महानुभावहरुले २५ गते देखि ७ दिन भित्र वडा कार्यालयमा सम्पर्क गर्न वडा अध्यक्ष राम प्रसाद मगरले आग्रह गर्नुभएको छ । एल टि पोल र तार नपुगेको घरधुरीहरुले अहिले मिटर बक्सको फर्म नभर्न वडा कार्यालयले अनुरोध गरेको छ ।