जेठ १३, सोलुखुम्बु । सोलुखुम्बुको नेचासल्यान गाउँपालिकालाई पूर्ण खोप सुनिश्चितता पालिका घोषणा गरिएको छ । ‘स्थानीय स्वामित्व र सहभागीता ः पुर्ण खोप सुनिश्चितता हाम्रो प्रतिबद्धता’ भन्ने मूल नाराका साथ गाउँपालिकालाई ‘पूर्ण खोप सुनिश्चितता र दिगोपना’ घोषणा गरिएको हो ।
यही जेठ ११ गते शुक्रबार गाउँपालिका अध्यक्ष धनजन राई लगायत सम्बन्धीत निकायहरुको संयुक्त रुपमा पालिकालाई पूर्ण खोप सुनिश्चितता र दिगोपना’ घोषणा गरिएको गाउँपालिकाले जनाएको छ । स्वास्थ्य शाखा प्रमुख केशव बास्तोलाका अनुसार पूर्ण खोप सुरक्षित भविष्य पूर्ण खोप पालिका सुनिश्चितता तथा दिगोपना गर्ने राष्ट्रिय पूर्ण खोप निर्देशिका बमोजिम सम्पूर्ण प्रकृयाहरु पुरा गरी पालिकामा १६ देखि ५९ महिना सम्मको बालबालिकाहरुले पाउनु पर्ने सबै खोप दिलाई पुर्ण खोप पाएको सुनिश्चितता दिगोपना गरिएको हुँदा पूर्ण खोप सुनिश्चितता घोषणा गरिएको बताउनुभएको छ ।
स्वास्थ्य शाखाले दिगोपना र पूर्ण खोप सुनिश्चितताका लागि हरेक वर्ष माघ, फागुन र चैतमा नियमित खोपको घरभेट सर्वेक्षण गरी उमेर अनुसार खोप पाए÷नपाएको यकिन गरेर खोप लगाउन छुटेको पाइएमा वैशाख महिनामा खोप दिने प्रक्रियाअनुरुप खोप दिने व्यवस्था गरेको छ । नेचासल्यान पालिकाभित्र ६ वटा स्वास्थ्य चौकी र २ सामुदायिक स्वास्थ्य इकाइ रहेका छन् ।
Discussion about this post