सोलुखुम्बुको दुई स्थानीय तहमा जेठ १६ बाट ‘आईपीभी’ खोप अभियान सुरु हुने

जेठ १३, सोलुखुम्बु । हिमाली जिल्ला सोलुखुम्बुको २ वटा स्थानीय तहमा पोलियो विरुद्धको ‘आईपीभी’ खोप अभियान १६ गतेबाट सुरु गरिने भएको छ । जिल्लाको खुम्बु पासाङल्हामु गाउँपालिका र लिखुपिके गाउँपालिकामा जेठ १६ गतेबाट खोप अभियान सुरु गरिने भएको हो ।

जिल्ला स्वास्थ्य कार्यालय सोलुखुम्बुका सुचना अधिकारी राम नारायण शाहका अनुसार ८ वटै स्थानीय तहमा आजबाट खोप अभियान सुरु गरिने भनिए पनि पालिकामा अपाङ्गता रोक्थाम शिविर लगायत विविध कार्यक्रम संचालन भइरहेकोले खोप अभियानको मिति सारिएको हो

। जिल्लाको सोलुदुधकुण्ड नगरपालिका, नेचासल्यान गाउँपालिका, माप्यदुधकोशी गाउँपालिका, महाकुलुङ गाउँपालिका, सोताङ गाउँपालिका र थुलुङ दुधकोशी गाउँपालिकामा एकै साथ खोप कार्यक्रम सञ्चालन भईसकेको छ । नेपाल सरकारले घोषणा गरेको राष्ट्रिय आइभिपि खोप अभियान अन्तर्गत सोलुखुम्बुका २ सय ९८ खोप केन्द्रबाट यो खोप दिइने जनाइएको छ ।

पोलियो विरुद्धको खोप आइभिपि वि.सं २०७३ बैशाख देखी २०७५ असोज सम्म जिल्लामा जन्मिएका बालबालिकाहरुका लागी अभियान मार्फत खोप लगाइदै छ । हाल जिल्लामा सो समयमा छुटेका ४ हजार ८ सय ८८ लक्षित बालबालिका रहेको स्वास्थ्य कार्यालय सोलुखुम्बुले जनाएको छ ।