सोलुखुम्बुमा गणतन्त्र दिवस : धार्मिक शक्तिपीठ सरसफाइ गरिदै

जेठ १४, साेलुखुम्बु ।  देशैभर १७ औँ गणतन्त्र दिवस अाजबाट मनाइदै छ । यसैक्रममा हिमाली जिल्ला सोलुखुम्बुमा विभिन्न कार्यक्रम गरि गणतन्त्र दिवस मनाउन सुरु गरिएको छ । नेपाल सरकारले नै देशैभर ३ दिन भव्यताका साथ गणतन्त्र दिवस मनाउने निर्णय गरे अनुसार जिल्लमा पनि आजबाट सरसफाइ लगायत विभिन्न कार्यक्रम गरि दिवस मनाउन सुरु गरिएको छ । दिवसको पहिलो दिन आज जिल्लाका सुरक्षा निकायहरूले जिल्लाका विभिन्न धार्मिक केन्द्र तथा शक्तिपीठकाे सरसफाइ गरि गणतन्त्र दिवस मनाइएको छ ।  जिल्ला सुरक्षा समिति सोलुखुम्बुको बैठकको निर्णय अनुसार आज नेपाली सेनाका मेजर नवराज बस्नेत नेतृत्वको टोलीले ज्वालामाई देवीको मन्दिर तामाखानी पुगेर सरसफाइ गरेको छ ।  त्यहाँ सहायक प्रमुख जिल्ला अधिकारी सरोज अर्याल सहितको टोलीले सरसफाइ गरिरहेको जनाइएको छ ।  

यस्तै नेपाल प्रहरीका प्रहरी नायब उपरीक्षक द्वारीका प्रसाद घिमिरे नेतृत्वको टोलीले सानो दूधकुण्ड सरसफाइ गरेको जनाइएको छ ।  यस्तै शसस्त्र प्रहरी वल आश्रित गुल्मबाट प्रहरी निरीक्षक वसन्त कटवालको नेतृत्वमा खटिएको टोलीले गुप्तकाली मन्दिर दोर्पुबजारमा सरसफाइ गरि गणतन्त्र दिवस मनाइदै छ ।

यस्तै नेपाल प्रहरीका प्रहरी नायब उपरीक्षक द्वारीका प्रसाद घिमिरे नेतृत्वको टोलीले सानो दूधकुण्ड सरसफाइ गरेको जनाइएको छ । 

 शसस्त्र प्रहरी वल आश्रित गुल्मबाट प्रहरी निरीक्षक वसन्त कटवालको नेतृत्वमा खटिएको टोलीले गुप्तकाली मन्दिर दोर्पुबजारमा सरसफाइ गरि गणतन्त्र दिवस मनाइदै छ । जेठ १५ गते भोलि १ कार्यालय १० बिरुवा अभियान चलाउँदै जिल्ला स्थित सरकारी कार्यालयमा वृक्षरोपण गरिनुका साथै दिपावलीका कार्यक्रम गरि मनाइने जिल्ला प्रशासन कार्यालय साेलुखुम्बुका सहायक प्रमुख जिल्ला अधिकारी सरोज अर्यालले जानकारी दिनुभयो । यस्तै गणतन्त्र दिवसको अवसरमा जेठ १६ गते जिल्ला स्थित सबै सरकारी कार्यालयको सौन्दर्यीकरण गरिने छ । 

जनआन्दोलन २०६२ /०६३ को जगमा गणतन्त्र घोषणा भएको ऐतिहासिक दिनको स्मरण गर्दै हरेक वर्ष जेठ १५ गते देशभर विभिन्न कार्यक्रम गरी गणतन्त्र दिवस मनाउने गरिन्छ  । १० वर्षे सशस्त्र जनयुद्ध र १९ दिने जनआन्दोलनको बलमा स्थापित जहाँनियाँ राजतन्त्र अन्त्य भएर गणतन्त्रामक देश बनेको खुसियालीमा गणतन्त्र दिवस मनाइन्छ ।