नेचासल्यानका आगलागी पीडित विद्यार्थीका लागी रीड नेपालको पोशाक तथा स्टेशनरी खर्च 

जेठ १४, सोलुखुम्बु ।  ग्रामीण शिक्षा तथा वातावरण विकास केन्द्र (रीड नेपाल) ले सोलुखुम्बुको नेचासल्यानका अग्नि पीडित  ४ विद्यार्थीलाई आर्थिक सहयोग गरेको छ । रिड नेपालले नेचासल्यान गाउँपालिका वडा नम्बर २ देउपुजेमा आगलागीबाट घरबास गुमाएका सरस्वती पुर्णरत्न आधारभूत विद्यालय नेचासल्यानका विद्यार्थीहरूको शैक्षिक सामाग्री खर्चका लागी  विद्यालयमै पुगेर २३ हजार ५ सय रुपैयाँ आर्थिक सहयोग गरेको हो ।

उनिहरुलाई आइतबार विद्यालयमै पुगेर सहयोग हस्तान्तरण गरिएको रिड नेपालका शिक्षा विकास संयोजक केशव देव गिरिले जानकारी दिनुभयो  । जसमध्ये एकै परिवारका ३ विद्यार्थीहरूका लागी १५ हजार र अर्का एक आगलागी पीडित विद्यार्थीका लागी ८ हजार ५ सय रुपैयाँ आर्थिक सहयोग हस्तान्तरण गरिएको हो ।

रिड नेपालले आगलागी पिडित विद्यार्थी कक्षा १ का सशान राई, कक्षा ३ मा अध्ययनरत रिया राई, कक्षा ६ मा अध्ययनरत रिसिम राई र कक्षा ४ मा अध्ययनरत आदेश राईलाई आर्थिक सहयोग हस्तान्तरण गरिएको हो । उनीहरू मध्ये सशान, रिया र रिसिम एकै परिवारका विद्यार्थीहरू हुन ।  

यस अघि रीड नेपालले थुलुङ दूधकोशी गाउँपालिका वडा नम्बर ३ पञ्चनका आगलागी पीडित ३ विद्यार्थीहरूका लागी आर्थिक सहयोग गरेको थियो । गत बैशाख ११ गतेको आगलागीबाट घर सहित शैक्षिक सामाग्री समेत जलेका विद्यार्थीहरूको पोशाक तथा शैक्षिक सामाग्रीका लागी खर्च व्यवस्थापनका लागी परिवारलाई सहज होस भनी राहत उपलब्ध गराइएको संयोजक गिरीले बताउनुभयो ।