सोलुखुम्बुमा दोश्रो पिके चौँरी तथा याक महोत्सव सम्पन्न, चौँरी पालक किसानलाई अनुदान बढाउनुपर्नेमा जोड

बैशाख ७, सोलुखुम्बु । चौरी तथा याक व्यवसायी महासङ्घ सोलुखुम्बुले आयोजना गरेको दोश्रो याक तथा चौँरी महोत्सव २०८२ सम्पन्न भएको छ  । २०८२ सालको बैशाख ७ गते सोलुखुम्बु र ओखलढुङ्गाको सिमानामा पर्ने पिके डाँडाको बेसक्याम्पमा व्यवसायी महासंघले चौँरी तथा याक महोत्सव आयोजना गरेको हो ।  कोशी प्रदेशका पूर्व सामाजिक विकास मन्त्री तथा प्रदेश सभा सदस्य बुद्धि कुमार राजभण्डारीको प्रमुख आतिथ्यतामा लामुजेमा दोश्रो याक तथा चौँरी महोत्सवको आइतबार उद्‍घाटन गरिएको हो ।  याक तथा चौँरी महोत्सव उद्‌घाटन गर्न लामुजे पुग्नुभएका पूर्व मन्त्री राजभण्डारीले शर्पाहरुको पहिचान चौँरी भएकाे उल्लेख गर्दै यस्तो महत्वपूर्ण वक्तव्य व्यक्त गर्नुभएको थियो । 

कार्यक्रम याक तथा चौँरी व्यवसायी सङ्घ  जिल्ला कार्यसमिति सोलुखुम्बुले आयोजना गरेको भएपनि ओखलढुंगाको खिजिदेम्बा गाउँपालिकाको विशेष सहयोग र सहकार्य भएको देखिएको छ । कार्यक्रमका विशेष अतिथी तथा खिजीदेम्बा गाउँपालिका अध्यक्ष गम्बु शेर्पाले कार्यक्रममा बोल्दै हिमाल, चौँरी, टुङ्गना लगायत शेर्पाको पहिचान भएको उल्लेख गर्नुभएको थियो ।  उहाँले राज्यले चौँरी पालनलाई संरक्षण गर्नका लागी केही सहयोग गरेको भन्दै यसलाई थप गर्दै जानुपर्ने आवश्यकता औँल्याउनुभयो । उहाँले आफू समेत हाल स्थानीय तहको नेतृत्व गरेर काम गरिरहेको नाताले आफूले आफ्नो स्थानीय तहमा रहेका चौँरीपालक किसानहरुलाइ चौँरी पालन व्यवसायमा सहयोग गर्नुपर्छ भन्ने भावनाले स्थानीय सरकारबाट रकम नै विनियोजन गरि काम गरको उल्लेख गर्नुभयो ।  

कार्यक्रममा कार्यक्रमका सभापती तथा याक ततथा चौँरी व्यवसायी महासंघ सोलुखुम्बुमा अध्यक्ष थुटोप दोर्जी शेर्पाले नेपालमा चौरी पालक सिानहरुको अवस्था, चौँरी पालन व्यवसायको सम्भावना चुनौँती लगायत विभिन्न विषयमा आफ्नो धारण राख्दै स्थानीय तथा प्रदेश सरकारबाट सहयोग भए जिल्लामा चौरी पालन व्यवसाय फस्टाउने जिकिर गर्नुभएको थियो ।