बैशाख १०, सोलुखुम्बु । चिसंखुगढी गाउँपालिका १ कुईभिरको सुक्खा ग्रस्त क्षेत्र माझिटारमा लिफ्टिङ मार्फत दुधकोशीको पानी पु¥याईएको छ । दुधकोशी माथिको सुक्खा गाउँ माझिटारमा विभिन्न दातृ निकायको आर्थिक तथा प्राविधिक सहयोगमा वन तथा वातावरण मन्त्रालय मार्फत संचालित जलाधारमा आधारित जलवायु उत्थानशील जिविको पार्जन आयोजना मार्फत कुईभिर सोलार लिफ्ट सिँचाई आयोजना निर्माण गरिएको हो ।
१ करोड २५ लाखको लागतमा सम्पन्न उक्त आयोजनाको मंगलबार एक कार्यक्रमका बिच कोशी प्रदेशका पर्यटन, वन तथा वतावरण मन्त्रि सदानन्द मण्डलको उपस्थितिमा पालिका र उपभोक्तालाई हस्तान्तरण गरिएको छ । वन तथा भू संरक्षण विभागका महानिर्देशक तथा उक्त परियोजनाका राष्ट्रिय निर्देशक बद्रिराज ढुंगानाले गाउँपालिका अध्यक्ष निशान्त शर्मालाई उक्त आयोजना हस्तारण गर्नु भएको हो । दुधकोशी नदिबाट ८ सय १० मिटर माथि १ लाख लिटर क्षमताको ट्यांकि निर्माण गरि पानी ल्याईएको छ ।
सोलार ५० किलोवाट सोलारको प्रयोग गरि ल्याईएको उक्त लिफ्टिङ आयोजनाबाट ४५ घर माझि बस्तिको १५ हेक्टर जमिनमा सिचाई पुग्ने भएको छ । कार्यक्रममा बोल्दै मन्त्रि मण्डलले जलबायु परिवर्तनको असर न्युनिकरण र जनताको जीवन स्तर उकास्न यो आयोजनाले सहयोग पुग्ने विश्वास ब्यक्त गर्नुभयो । विभगका महानिर्देशक ढुंगानाले संघिय सरकारले आयोजना सम्पन्न गरेपनि यस्को निरन्तरता र दिगो पनाको लागि उपभोक्ता नै जागरुक हुनु पर्ने बताउनु भयो ।
गाउँपालिका अध्यक्ष निशान्त शर्माले आफ्नै पहल कदमिमा आयोजना निर्माण सम्पन्न भएको भन्दै यसको र्ममत संभार र सुसञ्चालनको जिम्मा स्थानीय सरकारले लिने प्रतिबद्धता ब्यक्त गर्नु भयो । कोशी प्रदेशका वन निर्देशक डाक्टर ईन्द्र सापकोटाले आयोजनाबाट प्रशस्त लाभ लिन र यसको संरक्षण गर्न उपभोक्ता जागरुक हुनुपर्ने आवश्यक्त औँल्याउनु भयो । वडा नम्बर १ का अध्यक्ष उत्सक कटुवालले लिफ्टिङ सिँचाई मार्फत माझिटारका जनताको जीवन स्थर र समृद्धिमा ठूलो टेवा पुग्ने धारणा राख्नु भयो ।
जल उपभोक्ता समितिका अध्यक्ष महेन्द्र माझिले सुक्खा बस्तिमा सिंचाईको ब्यवस्थापन गरिदिएकोमा तिनै तहका सरकारलाई धन्यबाद दिनु भयो । सो अवसरमा दातृ निकाय युएनडिपिका नेपाल प्रतिनिधि क्योको योकोसुकाले विकट ठाउँमा सहयोग गर्न पाउँदा खुसि लागेको र जलबायु अनुकुलनका कार्यक्रममा आफुहरुको सदैव सहयोग रहने बताउनु भयो ।
Discussion about this post