सोलुखुम्बुको औसत बेरुजु २.०८ प्रतिशत

 जेठ १४, साेलुखुम्बु ।  महालेखा परीक्षकको ६१ औँ वार्षिक प्रतिवेदन अनुसार साेलुखुम्बु जिल्लाको औसत बेरुजु २.०८ प्रतिशत रहेको प्रतिवेदनमा उल्लेख छ । जिल्लाका  ८ वटा स्थानीय तहमध्ये सबैभन्दा कम बेरुजू कायम गर्नेमा साेलुदुधकुण्ड नगरपालिका रहेको छ । यस वर्ष सोलुदुधकुण्ड नगरपालिकाको कुल बजेट १ अर्ब ५४ करोड ४१ लाख २ हजारको लेखा परीक्षण गर्दा ०.१४ प्रतिशत बेरुजु रहेको महालेखा परीक्षकको ६१ औँ वार्षिक प्रतिवेदनमा उल्लेख छ । नगरपालिकाको कुल बेरुजु रकम २१ लाख ४२ हजार अर्थात् जम्मा बजेटको ०.१४ बेरुजु रहेको छ । सोलुखुम्बुमा सबैभन्दा बढी बेरुजु हुने पालिका लिखुपिके गाउँपालिका ४.६८ प्रतिशत बेरुजु रहेको छ ।  लिखपिके गाउँपालिकाको कुल ५३ करोड ९३ लाख ५५ हजार लेखापरीक्षण भएकोमा २ करोड ५२ लाख १८ हजार बेरुजु रकम रहेको छ । लेखापरीक्षण रकमको तुलनामा ४.६८ प्रतिशत बेरुजु देखिएको छ ।प्रतिवेदन अनुसार खुम्बु पासाङल्हामु गाउँपालिकाको कुल १ अर्ब ८ करोड ७४ लाख १४ हजारको लेखापरीक्षण गरिकोमा ३ करोड १० लाख ६७ हजार बेरुजु रहेको छ । जम्मा बजेटको २.८६ प्रतिशत बेरुजु रहेको छ ।महालेखा परीक्षकको कार्यालयको प्रतिवेदन अनुसार माप्य दुधकोशी गाउँपालिकाको कुल रकम ८२ करोड ८२ लाख २ हजार लेखापरिक्षण रकममा बेरुजु २ करोड ८९ लाख ६० हजार रहेको छ । जुन लेखापरीक्षण अङ्कको ३.५० प्रतिशत हो ।थुलुङ दुधकोशीको कुल १ अर्ब ३९ करोड २८ लाख १ हजार लेखापरीक्षणमा बेरुजु १ करोड १० लाख २३ हजार रहेको छ । याे कुल बजेटकाे प्रतिशतमा ०.७९ हो । नेचासल्यान १ अर्ब ४ करोड ५१ लाख ८९ हजारको लेखापरीक्षणमा २ करोड ३५ लाख २७ हजार अर्थात् जम्मा बजेटको  प्रतिशतमा २.२५ बेरुजु रहेको छ । महाकुलुङको ९४ करोड ५५ लाख २९ हजार लेखापरीक्षण गर्दा २ करोड ५४ लाख ३५ हजार बेरुजु रकम रहेको छ । यो कुल बजेटको २.६९ हो । सोताङको कुल लेखापरीक्षण रकम ८१ करोड ४१ लाख १२ हजारमा बेरुजु २ करोड २९ लाख ९८ हजार रहेको छ । लेखापरीक्षण रकमको तुलनामा २.८२ प्रतिशत बेरुजु देखिएको छ । सोलुखुम्बु जिल्लाभर कुल ८ अर्ब १९ करोड ६७ लाख ४ हजारको लेखापरीक्षण गरिएको थियो । जसमा १७ करोड ३ लाख ७० हजार रुपैयाँ बेरुजु रकम रहेको महालेखा परीक्षकको ६१ औँ वार्षिक प्रतिवेदनमा उल्लेख छ । देशैभरका स्थानीय तहको कुल ११ खर्ब, ३९ अर्ब, १९ करोडको लेखापरीक्षण गरिएकोमा ३१ अर्ब १ करोड बेरुजु रहेको छ । लेखापरिक्षण रकमको तुलनामा २.७२ प्रतिशत बेरुजु देखिएको छ ।नेपालमा सङ्घ, प्रदेश, स्थानीय तह र अन्य संस्था समेतको ७८ खर्ब ८१ अर्ब ६० करोडको लेखापरीक्षण गरिएकोमा ९५ अर्ब ६० करोड बेरुजु देखिएको छ । जुन लेखा परीक्षण अङ्कको १.२१ प्रतिशत हो ।सङ्घतर्फ २४ खर्ब, ६१ अर्ब ११ करोडको लेखापरीक्षण गरिएकोमा ४६ अर्ब ५४ करोड बेरुजु रहेको छ । जुन १.८९ प्रतिशत हो । प्रदेशको ३ खर्ब २३ अर्ब ३४ करोड लेखापरीक्षण गर्दा ६ अर्ब ५७ करोडको बेरुजु रहेको छ जो २.०३ प्रतिशत हो । सङ्घीय संस्था तथा समितिको कुल ३९ खर्ब, २० अर्ब, ४७ करोडको लेखापरीक्षण भएकोमा १० अर्ब ६४ करोड बेरुजु रकम अर्थात् कुल बजेटको ०.२७ प्रतिशत बेरुजु रहेको छ ।प्रदेश संस्था तथा समितिको कुल ३७ अर्ब ३९ करोडको लेखापरीक्षण गर्दा ८४ करोडको बेरुजु रहेको छ । देशैभर ७८ खर्ब, ८१ अर्ब ६० करोडको लेखापरीक्षण गरिएकोमा ९५ अर्ब ६० करोड बेरुजु कायम रहेको छ ।