उत्कृष्ट विपद ब्यवस्थापन गरेको भन्दै थुलुङ दुधकोशीले गर्यो डिएसपि घिमिरेलाई सम्मान

बैशाख १५, सोलुखुम्बु । विपद ब्यवस्थापनमा उत्कृष्ट समन्वय र कार्य सम्पादन गरेको भन्दै थुलुङदुधकोशी गाउँपालिकाले जिल्ला प्रहरी प्रमुख डिएसपि द्वारिका प्रसाद घिमिरेलाई सम्मान गरेको छ । गाउँपालिकाको सार्वजनिक सुनुवाई कार्यक्रममा समग्र जिल्लाको शान्ति सुरक्षा कायाम गर्नुका साथै प्राकृतिक विपदको ब्यवस्थापनमा उत्कृष्ट भूमिका निर्वाह गरेको भन्दै पालिका अध्यक्ष असिम राई र उपाध्यक्ष सविता राईले सिलाम साक्मा र पुष्पगुच्छाले सम्मान गर्नु भएको हो ।

सम्मान गर्दै पालिका अध्यक्ष असिम राईले डिएसपि घिमिरेले हरेक विपदका घटनामा उत्कृष्ट तरिकाले समन्वय र कार्य सम्पादन गरेको भन्दै प्रशंसा गर्नु भयो । सो क्रममा डिएसपि घिमिरेले आफुले ईमान्दारिता पुर्वक अहोरात्र जनताको शान्ति सुरक्षा र विपदजन्य घटनामा क्रियाशिल रहेको बताउनु भयो ।