कोशी पारीको सडक सञ्जाल टुट्यो 

जेठ १५, सोलुखुम्बु । वर्षायाम शुरु भएसँगै सोलुखुम्बुको कोशी पारीको सिधा सडक सम्पर्क टुटेको छ । गएराति आएको बाढीले हुगाँ खोलाको १२ वटा ह्युम पाईप बगाइदिँदा कोशी पारिको सिधा सडक सम्पर्क टुटेको हो । ह्युम पाइप बगाउँदा महाकुलुङ गाउँपालिकामा स्थित कोशी परिका छेस्काम र गुदेलका नागरिकहरू सिधा सडक सञ्जालबाट बञ्चित भएका छन् ।

बाढीले ह्युम पाईप बगाएसँगै ह्युम पाइप राख्नका लागि चाडैँ पहल गर्ने महाकुलुङ गाउँपालिका अध्यक्ष सूर्य बहादुर कुलुङले उल्लेख गर्नुभयो । यता वर्षायाममा बाढीको जोखिम बढ्न थालेपछि थुलुङ दुधकोशी गाउँपालिका वडा नम्बर ५ र ७ को सिमानामा पर्ने बर्खुघाटका ह्युमपाइप निकालिएको छ ।  

भल बाढका कारण ह्युम पाइप बगाउने जोखिम बढेपछि यहाँ राखिएका ५४ वटा ह्युम पाइप निकालिएको थुलुङ दुधकोशी गाउँपालिकाका अध्यक्ष असिम राईले जानकारी दिनुभयो । ह्युम पाइप कोशीमा पानीको बहाव र बाढीको जोखिम घट्दै जान थालेपछि कार्तिकमा पुन राखिने उहाँको भनाई छ ।