जिवन ज्योति मावि काँगेलका २ जना विद्यार्थीलाई छात्रवृत्ति वितरण

जेठ ५, सोलुखुम्बु । जिवनज्योति माध्यमिक विद्यालय बमबेदु अक्षयकोषले विद्यालयका २ जना विद्यार्थीलाई छात्रवृत्ति प्रदान गरेको छ ।  सोमबार एक कार्यक्रमका बीच विद्यालयका २ जना उत्कृष्ट विद्यार्थीहरूलाई ३ हजार ५ सयका दरले छात्रवृत्ति वितरण गरिएको हो ।  काङ्ग्रेस नेता नवीन थापाका हजुरबुवा स्वर्गीय बम बहादुर थापा तथा हजुरआमा बेदमाया थापाको स्मृतिमा स्थापित अक्षयकोषको रकमबाट विद्यार्थीहरूलाई छात्रवृत्ति रकम वितरण गरिएको जनाइएको छ ।  अक्षयकोषबाट जीवन ज्योति माध्यमिक विद्यालयको कक्षा ६ देखी ९ सम्म उत्कृष्ट नतिजा ल्याउन सफल १ छात्रा आयुष्का लामिछाने र छात्र दीपक रोक्कालाई काङ्ग्रेस पर्यटन विभाग प्रमुख आङगेलु शेर्पा र युवा नेता नवीन थापाले वितरण गर्नुभएको हो ।

थापाका हजुरबुबा र हजुरआमाको स्मृतिमा स्थापना गरिएको अक्षयकोषमा जम्मा गरिएको १ लाख १ हजार १ सय ११ रुपैयाँबाट उक्त छात्रवृत्ति वितरण गरिएको विद्यालयले जनाएको छ ।  स्व बम बहादुर थापाले, २०३१ साल ताका नेपाली काङ्ग्रेसले चलाएको सशस्त्र क्रान्तिका क्रममा ७ महिना जेल जीवन बिताउनु भएको थियो ।