सोलुदुधकुण्ड ८ केरुङको सार्वजनिक सुनुवाई : वडाका शतप्रतिशत योजनाको सम्पन्न

जेठ २४, सोलुखुम्बु । सोलुदुधकुण्ड नगरपालिका वडा नम्बर ८ केरुङको चालु आर्थिक बर्षका सबै योजनाको काम सम्पन्न भएको छ । शुक्रबार केरुङको चाँगेस्थान माविमा सम्पन्न सार्वजनिक सुनुवाईमा वडा अध्यक्ष पासाङ कटुवालले वडाको बजेटको सम्पूर्ण काम भएको र नगर स्तरीय योजनाको केही काम बाँकी रहेको जानकारी दिनुयो । नगर प्रमुख नाम्गेलजाङबु शेर्पाको प्रमुख आतिथ्यता तथा रेडियो एभरेष्टको सहजिकरणमा भएको कार्यक्रममा वडा अध्यक्ष कटुवालले आफुहरुले अधिकतम नागरिकलाई लाभ मिल्ने गरि पारदर्शी रुपमा वडाको विकास निर्माणको कामलाई अगाडी बढाएको बताउनु भयो ।
नगर प्रमुख नाम्गेल जाङ्बु शेर्पाले केरुङमा शिक्षा र सडकमा नगरपालिकाबाट अधिक्तम लगानि भएको भन्दै पर्यटकीय क्षेत्र केरुङ वडाको सम्बृद्धिमा आफु गम्भिर भएको बताउनु भयो । वहाँले टोल टोलमा बाटो र घरघरमा विजुली बत्ति पु¥याएको भन्दै यसको दिगो ब्यवस्थापनमा भने नागरिक आफै सम्बेदनशील बन्नु पर्ने बताउनु भयो ।

नगर उपप्रमुख गान्धिमाया तामाङले नगरपालिकाको नेतृत्वले समानुपातिक विकास र सामाजिक न्यायको सिद्धान्तलाई अंगिकार गर्दै अगाडी बढेको बताउनु भयो । भौतिक विकास सँगै मानवीय विकास पनि आफुहरुको प्राथमिक्तामा रहेको उपप्रमुख तामाङको भनाई छ । कार्यक्रममा कार्यपालिका सदस्य कुलध्वज मगरले आफुले यस वडाको विकासका लागि बजेट र कार्यक्रम ल्याउन धेरै पहल गरेको भन्दै यसको समुचित उपयोगमा जनता जागरुक बन्नु पर्नेमा जोड दिनुभयो ।

स्थानीय सरोकारवाला उपस्थित कार्यक्रममा वडा सचिव पुनमकुमारी महतोले वडाको चालु आर्थिक बर्षको सेवा प्रवाहको बारेमा विवरण पेश गर्दै २२ लाख रकम राजश्व संकलन भएको जानकारी दिनुभयो । कार्यक्रममा सहभागिले योजना छनौटमा नागरिक सहभागिता, बेलाबेलमा गरिने शिक्षक सरुवा लगायतका सवालहरु उठाएका थिए ।