वेनीले गर्याे बजार अनुगमन, एउटै पसलबाट २० हजारको अखाद्य वस्तु जफत

जेठ २८ , सोलुखुम्बु।  सोलुखुम्बुको सोलुदुधकुण्ड नगरपालिका २ वेनीमामा बजार अनुगमन गरिएको छ । साे क्रममा एउटै पसलबाट २० हजार बराबरकाे अखाद्य वस्तु जफत गरिएकाे

 वडा अध्यक्ष ङवाङ ठिले शेर्पाले जानकारी दिनुभयाे ।  वडा अध्यक्ष शेर्पाले याे कार्य आजबाट नै  निरन्तरता रूपमा गरिने पनि बताउनु भयाे।

आज पहिलो दिन एउटा पसलमा अनुगमन गर्दा २० हजार मुल्य बराबरको अखाद्य वस्तु जफत गरेर नष्ट गरिएको उहाँले बताउनुभयो । जनप्रतिनिधि तथा स्थानीयवासीहरुको सक्रियतामा म्याद नाघेका अखाद्य वस्तुहरू बिक्री वितरण भइरहेको भन्ने जनगुनासो प्राप्त भएकोले सम्बन्धित क्षेत्रको बजार अनुगमन गरिएको  र उक्त अखाद्य वस्तु जफत गरिएकाे जनाइएकाे छ ।

उक्त अनुगमनको क्रममा फेला परेका सम्पूर्ण म्याद गुज्रिएका अखाद्य वस्तुहरू नष्ट गरिएको वडाध्यक्ष शेर्पाले बताउनुभयो । साथै आगामी दिनमा यस्ता कार्य दोहोरिन नदिन संबन्धित व्यवसायीहरूलाई सचेत गराइएको पनि उहाँको भनाइ छ ।

यस्तै, वडा कार्यालयले वडा नं. २ अन्तर्गत रहेका सबै व्यापार पसल सञ्चालकहरूलाई यस्ता म्याद गुज्रिएका वा अखाद्य वस्तुहरूको बिक्रीवितरण नगर्न कडाइका साथ अनुरोध गरिएको छ । सूचनाको वेवास्था गरेर यस्ता कार्यहरू दोहोरिएमा कानुनी कारबाही प्रक्रिया अघि बढाइने वडाध्यक्ष शेर्पाले बताउनुभयो ।