महाकुलुङमा जुनोटिक रोग र एन्टिबायोटिक प्रतिरोधसम्बन्धी अभिमुखिकरण

असार ७, सोलुखुम्बु । महाकुलुङ गाउँपालिकाको स्वास्थ्य शाखाले शनिबार जुनोटिक (जनावरबाट सर्ने) रोगहरू र एन्टिबायोटिक प्रतिरोधसम्बन्धी एक दिने अभिमुखिकरण कार्यक्रम सम्पन्न गरेको छ । कार्यक्रम गाउँपालिकाका प्रमुख प्रशासकीय अधिकृत खरिधन राईको अध्यक्षतामा सम्पन्न भएको हो । कार्यक्रममा आधारभूत अस्पताल महाकुलुङका मेडिकल अफिसर डा. उमेश श्रेष्ठ, विशेषज्ञ डेन्टल अफिसर, विभिन्न स्वास्थ्य संस्थाका शाखा प्रमुख, अ.हे.ब. र अनमीहरूको विशिष्ट उपस्थिति रहेको सहकर्मी झलक राईले जानकारी दिनुभयो ।

कार्यक्रममा डा. उमेश श्रेष्ठले एन्टिबायोटिक प्रतिरोधको रोकथामका लागि गुणस्तरीय उपचार मापदण्ड पालना गर्नुपर्नेमा जोड दिनुभयो । साथै, निर्देशिका अनुसार महाकुलुङका सबै स्वास्थ्य संस्थामा सो अभ्यास लागू गर्ने प्रतिबद्धता व्यक्त गर्दै सहजीकरण गर्नुभयो । कार्यक्रममा विगत १० महिनाको स्वास्थ्य सेवा तथा संस्थागत समस्या सम्बन्धमा समेत समिक्षा गरिएको थियो । स्वास्थ्य शाखा प्रमुख हरिप्रसाद आचार्यका अनुसार, कार्यक्रमको उद्देश्य जुनोटिक रोगहरूको जोखिम सम्बन्धमा जनचेतना अभिवृद्धि गर्नु तथा एन्टिबायोटिकको बढ्दो प्रतिरोधको अन्त्यका लागि सचेतना फैलाउनु रहेको छ ।

उहाँले प्रतिजैविक औषधिहरुको अनियन्त्रित प्रयोगले ब्याक्टेरिया, भाइरस, फङ्गसजस्ता सूक्ष्म जीवहरूमा प्रतिरोध क्षमता विकास भई उपचार कठिन हुँदै गएको बताउनुभयो । स्वास्थ्य शाखाको आयोजनामा सञ्चालित सो कार्यक्रम आर्थिक वर्ष २०८०÷८१ को सशस्त्र अनुदान शीर्षक अन्तर्गत विनियोजित २० हजारको बजेटमा सम्पन्न भएको हो । कार्यक्रममा कुल १७ जनाको सहभागिता रहेको जनाइएको छ ।