करेन्ट लागेर विद्युतका प्राविधिक रविन बस्नेतको मृत्यू

असार ७, सोलुखुम्बु । सोलुखुम्बुको सोलु दुधकुण्ड नगरपालिका–११ तिङ्लामा करेन्ट लागेर एक जना प्राविधिकको मृत्यू भएको छ । विद्युत पोलको ट्रान्सफरमारमा काम गरेको अवस्थामा घाइते भएका सोलुदुधकुण्ड नगरपालिका–७, भित्ताखर्कका ३५ बर्षिय रबिन बस्नेतको उपचारको क्रममा फाप्लु अस्पतालमा मृत्यू भएको हो ।

शनिबार दिउँसो करिब १ बजे सोलु दुधकुण्ड नगरपालिका–११, घुन्सा स्थित केन्द्रिय विद्युत प्रसारण लाइनको ट्रान्सफर्मर मर्मतको क्रममा बस्नेतलाई करेन्ट लागेको थियो । करेन्ट लागेर गम्भीर घाइते भएका बस्नेतलाई तत्कालै जिल्ला अस्पताल फाप्लु पु¥याइएको थियो । उपचारको क्रममा उनको अपरान्ह मृत्यू भएको जिल्ला प्रहरी कार्यालय सोलुखुम्बुका प्रमुख डिएसपि मनोजित कुवँरले जानकारी दिए । उनी गरुढ सेक्युरिटि सर्भिस मार्फत विद्युतको प्राविधिकको रुपमा काम गर्दै आएका थिए ।